Mudiadau cymorth i ddioddefwyr a thystion
| 1. Beth i'w ddisgwyl fel dioddefwr neu dyst i drosedd |
| 2. Beth sy'n digwydd ar ôl ichi riportio trosedd? |
| 3. Cynllun Hawl Dioddefwyr i Adolygiad |
| 4. Rhoi datganiad tyst neu ddatganiad dioddefwr |
| 5. Mynd i'r llys |
| 6. Beth sy'n digwydd ar ôl y treial? |
| 7. Mudiadau cymorth i ddioddefwyr a thystion |
Gwasanaeth Dioddefwyr a Thystion Llundain
Os ydych yn ddioddefwr neu'n dyst i drosedd yn Llundain gallwch ddefnyddio gwasanaeth cyfrinachol a di-dâl London Victim and Witness Service. Mae'r wefan hefyd yn cynnwys gwybodaeth am wasanaethau arbenigol i blant a phobl ifanc.
Mae Victim Support Scotland yn elusen genedlaethol sy'n ymroi i helpu unrhyw un y mae troseddau'n effeithio arnyn nhw i ymdopi â'u profiad ac ymadfer ohono. Mae'n cynnig gwasanaethau cyfrinachol am ddim nid yn unig i ddioddefwyr a thystion, ond hefyd i'w ffrindiau a'u teuluoedd. Gallwch gysylltu â nhw ar 0800 160 1985 dydd Llun – dydd Gwener 8am – 8pm neu drwy eu gwefan.
Yn achos Cymorth i Ddioddefwyr a Chymorth i Ddioddefwyr yr Alban gallwch ofyn am atgyfeiriad gan yr heddlu unrhyw bryd ar eich siwrnai drwy'r system cyfiawnder troseddol. Gallwch hefyd gysylltu â'r gwasanaeth yn uniongyrchol, heb gael eich atgyfeirio gan yr heddlu.
Elusen genedlaethol sy'n ymroi i helpu unrhyw un y mae troseddau'n effeithio arnyn nhw i ymdopi â'u profiad ac ymadfer ohono. Mae'n cynnig gwasanaethau nid yn unig i ddioddefwyr a thystion, ond hefyd i'w ffrindiau a'u teuluoedd.
Os nad oes ganddyn nhw swyddfa yn eich ardal chi, gallan nhw eich cyfeirio at gymorth lleol.
Maen nhw hefyd yn rhedeg My Support Space, sef lle diogel a chyfrinachol am ddim lle gallwch ddewis sut gymorth yr hoffech ei gael. Cofrestrwch ar gyfer My Support Space - mae’n gyflym ac yn hawdd.
Gwasanaeth Tystion Cyngor ar Bopeth
Elusen genedlaethol a rhwydwaith o elusennau lleol sy'n cynnig cyngor cyfrinachol ar-lein, dros y ffôn, ac yn bersonol, am ddim.
Os ydych chi’n dyst mewn llys troseddol yng Nghymru neu Loegr, gallwch gael cymorth annibynnol am ddim gan Citizens Advice Witness Service. Does dim ots ar ran pwy rydych chi'n tystio, rydych chi’n dal yn gallu cael help.
Gwybodaeth i ddioddefwyr a thystion
Gwefan sy'n helpu dioddefwyr a thystion troseddau yng Nghymru a Lloegr. Mae ganddyn nhw wybodaeth am yr hyn sy'n digwydd ar ôl ichi riportio trosedd, y bobl y gallech gyfarfod â nhw, y cymorth y dylech ei gael a sut i gwyno os aiff rhywbeth o'i le.