Trwyddedau casglu ar gyfer elusennau

Casgliadau stryd

Os ydych chi eisiau casglu arian neu werthu eitemau ar y stryd ar gyfer elusen efallai y bydd angen trwydded casgliadau stryd arnoch, yn dibynnu ar lle rydych yn casglu a’ch cyngor lleol.

Cysylltwch â’ch cyngor lleol er mwyn canfod a oes angen trwydded arnoch. Dewch o hyd i fanylion eich cyngor.

Yn Llundain Fwyaf (ac eithrio dinas Llundain) bydd angen i chi gysylltu â’r Heddlu Metropolitan am drwydded.

O dŷ i dŷ

Rhaid i chi wneud cais i’ch cyngor lleol am drwydded os ydych eisiau casglu arian neu nwyddau (yr ydych yn bwriadu eu gwerthu yn ddiweddarach) o gartrefi pobl ar gyfer elusen.

Cysylltwch â’ch cyngor (neu os ydych yn Llundain, yr Heddlu Metropolitan) er mwyn gwneud cais am drwydded. 

Casglu mewn gorsafoedd

Os hoffech chi gasglu arian ar fangreoedd y rheilffyrdd, bydd angen ichi wneud cais am ganiatâd, gan ddibynnu ar ble rydych chi’n casglu.

Yn achos gorsafoedd Network Rail, fe welwch chi fanylion y meini prawf cymhwysedd a sut i wneud cais ar eu gwefan. 

Yn achos gorsafoedd rheilffordd London Underground, Docklands Light Railway, LondonOverground a TfL, fe welwch chi wybodaeth ar wefan TfL.