Dyn wedi'i garcharu am ymosod ar fenyw - Bangor

Mae dyn 44 oed wedi’i garcharu ar ôl iddo ymosod ar fenyw yng Ngorsaf Reilffordd Bangor ddydd Llun diwethaf.

Plediodd Roland Doano, heb gartref sefydlog, yn euog i ymosod yn Llys Ynadon Caernarfon ar ddydd Mawrth 22 Hydref a chafodd ei ddedfrydu i wyth wythnos yn y carchar

Clywodd y llys sut, ar y diwrnod cynt, sef dydd Llun (21 Hydref), yr aeth Doano at fenyw ar y platfform yng ngorsaf Bangor ac eistedd wrth ei hymyl. Yna rhoddodd ei fraich o'i chwmpas cyn iddi lwyddo i ddianc.

Fe wnaeth Doano ei dilyn hi i drosbont a rhwystro ei hallanfa.

Gwelodd aelod o staff y rheilffordd y digwyddiad a ffonio BTP. Cyrhaeddodd swyddogion ac arestio Doano yn brydlon a'i gymryd i'r ddalfa lle cafodd ei gadw yn y ddalfa tan ei ymddangosiad yn y llys.

Dywedodd y swyddog ymchwilio PC Jack Payton: “Roedd y fenyw hon yn mynd o gwmpas ei bywyd, yn gofalu am ei busnes ei hun pan aeth Doano ati a gweithredu mewn modd brawychus a bygythiol.

"Mae gweithredu cyflym gan swyddogion a staff y rheilffordd wedi arwain at ei arestio'n gyflym a'i ddedfrydu wedyn."