Dyn wedi'i garcharu ar ôl ymosod yn rhywiol ar ddwy fenyw yn yr orsaf drenau - Pont-y-pŵl

Mae dyn 42 oed wedi’i garcharu ar ôl ymosod yn rhywiol ar ddwy fenyw ifanc y tu allan i Orsaf Reilffordd Pont-y-pŵl.

Cafwyd Lutfullah Elham o Ffordd Llandegfredd, New Inn, yn euog o ddau gyhuddiad o ymosod yn rhywiol yn Llys Ynadon Casnewydd ar ddydd Mawrth 11 Mehefin.

Cafodd ei ddedfrydu i 52 wythnos yn y carchar, a gorchmynnwyd iddo lofnodi’r Gofrestr Troseddwyr Rhywiol am 10 mlynedd,

Rhaid iddo hefyd dalu gordal dioddefwr o £272.

Clywodd y llys fod Elham wedi ymosod yn rhywiol ar fenyw 19 oed am hanner dydd, ar ddydd Iau 9 Mehefin 2022 yng Ngorsaf Reilffordd Pont-y-pŵl ar ôl gofyn iddi am gyfarwyddiadau. 

Ceisiodd y fenyw ifanc ddianc oddi wrtho ac arafodd cerbyd a oedd yn mynd heibio gan ddychryn Elham ac fe wnaeth ef adael y fenyw a mynd tuag at yr orsaf.

Ar ail ddigwyddiad ychydig ddyddiau’n ddiweddarach ar ddydd Mercher 15 Mehefin eto yng Ngorsaf Reilffordd Pont-y-pŵl am oddeutu 10am roedd menyw yn ei hugeiniau yn cerdded i ffwrdd o’r orsaf pan aeth Elham ati ar ei feic.

Fe gydiodd ef ynddi a cheisio ei chusanu cyn iddi lwyddo i ddianc.

Meddai’r swyddog ymchwilio DC Chris Bolton: “Mae’r ddau ddigwyddiad yma’n s dangospatrwm ymddygiad brawychus gan Elham, gan ysglyfaethu ar fenywod ifanc unigsy’n mynd o gwmpas eu busnes.

“Bydd Elham yn cael  y cyfle  i ystyried ei weithredoedd wrth dreulio cyfnod yn y carchar.

“Rydymyn cymryd pob adroddiad o ymosodiad rhywiol o ddifrif a gyda chefnogaeth lawn y dioddefwyr yn yr achosion hyn gallwn ni fod yn dawel ein meddwl na fydd Elham yn gallu niweidio unrhyw un arall.”