Testun 61016: Cadwch ef yn eich ffôn a byddwch yn wyliadwrus dros yr ŵyl

Wrth i Heddlu Trafnidiaeth Prydeinig (BTP) gynyddu patrolau ledled Cymru, Lloegr a'r Alban dros yr ŵyl, mae swyddogion yn annog teithwyr i gadw'n effro ac i riportio unrhyw ymddygiad amheus gan ddefnyddio ein rhif testun cynnil, 61016.

Bydd swyddogion mewn iwnifform a dillad plaen mewn gorsafoedd ac yn patrolio trenau ledled y wlad, yn cefnogi teithwyr gan fod disgwyl i niferoedd uwch deithio yn y cyfnod cyn ac yn ystod cyfnod y Nadolig a'r Flwyddyn Newydd.

Bydd teithwyr yn gweld timau Prosiect Servator yn cynnal patrolau amlwg iawn ac anrhagweladwy ar draws y rhwydwaith. Mae'r swyddogion hyn wedi'u hyfforddi'n arbennig i sylwi ar arwyddion sy'n awgrymu'r rhai sydd â bwriad troseddol neu derfysgol a byddant yn cael eu cefnogi gan adnoddau arbenigol fel cŵn chwilio a heddlu arfog i'ch cadw'n ddiogel.

Rydym yn annog teithwyr i fod yn wyliadwrus ac i riportio unrhyw ymddygiad amheus neu anarferol drwy siarad â swyddogion neu decstio 61016.

Gallwch hefyd ei riportio ar-lein drwy www.gov.uk/ACT neu ffonio'r Llinell Gymorth Gwrthderfysgaeth gyfrinachol ar0800 789 321. Mewn argyfwng, ffoniwch999.

Dywedodd yr Uwcharolygydd Sandra England: "Er ein bod i gyd yn edrych ymlaen at fwynhau tymor Nadoligaidd braidd yn 'normal' eleni, eich diogelwch chi yw ein prif flaenoriaeth o hyd.

"Wrth i lefelau teithwyr barhau i godi, mae gan bawb rôl hanfodol i'w chwarae o ran gwneud y rhwydwaith rheilffyrdd yn amgylchedd gelyniaethus i droseddwyr a therfysgwyr. Byddwn ni'n cynyddu patrolau ar draws cyfnod y Nadolig gyda chefnogaeth dros 150,000 o gamerâu cylch cyfyng ar draws y rhwydwaith, ond rydym hefyd yn dibynnu ar deithwyr i fod yn llygaid a chlustiau i ni ar lawr gwlad.

"Ymddiriedwch yn eich greddf ac riportio troseddau neu unrhyw weithgareddau amheus i ni. Mae pob adroddiad yn cael ei gymryd o ddifrif."

"Cadwch 61016 yn eich ffôn, dydych chi byth yn gwybod pryd efallai y byddwch chi ein hangen. Mewn argyfwng ffoniwch 999 bob amser."