Datganiad gan y Prif Gwnstabl D'Orsi yn dilyn cyhoeddiad ar-lein am yr PGC newydd, Karen Findlay

Dywedodd y Prif Gwnstabl Lucy D’Orsi CVO QPM: “Ddoe (16 Chwefror), postiodd Heddlu Trafnidiaeth Prydeinig i gyhoeddi Karen Findlay fel ein Prif Gwnstabl Cynorthwyol newydd. Rwyf wedi cael ysgytwad o weld faint o bobl a gymerodd ein postiad, a oedd yn dathlu penodiad uwch fenyw ym maes plismona, fel cyfle i ymateb gyda negeseuon ffiaidd, cas a homoffobig.

“Mae Karen yn arweinydd eithriadol ac yn rheolwr trefn gyhoeddus gyda dros 30 mlynedd o brofiad – rwy’n siomedig nad ei llwyddiannau yw ffocws y sgwrs. Er fy mod wedi fy ffieiddio gan yr atebion, rwyf wedi penderfynu gadael y postiad i fyny i dynnu sylw at y casineb at fenywod y mae menywod ym maes plismona yn parhau i'w wynebu. Ond ni fyddai ei anwybyddu'n adlewyrchu fy ngwerthoedd i na gwerthoedd y llu.

“Ym maes plismona, rydym yn deall gwerth craffu cyhoeddus; rydym yn croesawu sgyrsiau am blismona, camau gweithredu, a sut y gallwn wella. Ond gadewch i mi fod yn glir, ni fyddaf yn derbyn bwlio."