Mwy na 900 o arestiadau ers dechrau Tasglu Llinellau Cyffuriau BTP

Roedd Rhagfyr 2020 yn nodi un flwyddyn yn ddiweddarach o ddechrau Tasglu Llinellau Cyffuriau Heddlu Trafnidiaeth Prydeinig - tîm heddlu sy'n ymroddedig i fynd i'r afael â gangiau sy'n defnyddio'r rheilffordd i gludo cyffuriau.

 

Ers 1 Rhagfyr 2019, mae'r Tasglu wedi bod yn cyflawni gweithrediadau mewn gorsafoedd a llwybrau trên ledled Cymru, Lloegr a'r Alban ac wedi arestio 934 o bobl.

 

Sefydlwyd y Tasglu â chyllid gan y Swyddfa Gartref.

 

Nod allweddol y tîm yw amddiffyn a diogelu'r plant a ddefnyddir yn aml gan gangiau Llinellau Cyffuriau i symud cyffuriau ac arian parod rhwng lleoliadau mewnforio ac allforio, a all fod gannoedd o filltiroedd ar wahân.

 

Roedd y person ifancaf a arestiwyd gan y Tasglu yn fachgen 13 oed yng Nghaint ym mis Medi y llynedd - roedd yn cario £1,500 mewn arian parod. 

 

Arweiniodd yr ymyrraeth honno at gyrch y wawr mewn fflat yn ne-ddwyrain Llundain, gan arwain at arestio a chyhuddo dau berson am droseddau caethwasiaeth fodern.

 

Nid yw hon yn enghraifft unigryw - mae'r Tasglu wedi sicrhau 15 cyhuddiad caethwasiaeth fodern hyd yn hyn.

 

Mae data a gafwyd dros y cyfnod o flwyddyn wedi cadarnhau ymhellach bod gangiau Llinellau Cyffuriau sy'n defnyddio'r rheilffordd yn dibynnu ar blant, fel arfer yng nghanol eu harddegau.

 

Mae'r plant hyn yn aml yn agored i niwed ac yn aml yn ddioddefwyr camfanteisio gan ddynion a menywod hŷn sy'n eu denu yn gyntaf ag addewidion o arian a statws, yna'n defnyddio gweithredoedd neu fygythiadauo dtrais i sicrhau na allant adael.

 

Yna fe'u hanfonir i ardaloedd sy'n bell i ffwrdd gyda symiau mawr o arian parod yn amrywio o £1,000 i £5,000 a chyffuriau Dosbarth A - mae'r swm o arian y maent yn ei gario yn eithaf bach o'u cymharu â'r symiau sydd gan eu rheolwyr.

 

Ers mis Rhagfyr 2019, mae swyddogion wedi atafaelu £308,000 o ddigwyddiadau stopio unigol, wedi gwneud 471 o atafaeliadau cyffuriau ac wedi tynnu 168 o arfau peryglus oddi ar y rheilffordd.

 

Mae'r gweithrediadau hyn bob amser yn cael eu cynllunio ychydig ddyddiau yn unig ymlaen llaw, gan ddefnyddio'r wybodaeth ddiweddaraf ac yn aml fe'u cefnogir gan heddluoedd lleol.

 

Dywedodd Ditectif Uwcharolygydd ac Arweinydd y Tasglu, Gareth Williams: “Flwyddyn yn ddiweddarach mae gennym ddarlun cryf iawn o sut mae gangiau Llinellau Cyffuriau yn defnyddio’r rheilffordd. Rydym yn gwybod ble maent yn gweithredu a'r grwpiau oedran ifanc maent yn eu targedu.

 

“Eleni, rydym wedi defnyddio cyllid y Swyddfa Gartref i ddod ag arbenigwyr ym maes camfanteisio ar blant o elusennau nodedig sydd wedi ymrwymo i fynd i’r afael â Llinellau Cyffuriau, ac rydym wedi ehangu’r tîm i sicrhau y gallwn gyrraedd ledled Cymru, Lloegr a’r Alban, gan roi pwysau ar gangiau ble bynnag maent yn gweithredu.

 

“Rydym hefyd yn gweithio ar y cyd â’r diwydiant rheilffyrdd ehangach, gan hyfforddi eu staff rheng flaen i nodi arwyddion Llinellau Cyffuriau a chamfanteisio ar blant. Nhw yw ein llygaid a'n clustiau ac rydym yn defnyddio eu hadroddiadau i nodi ble y dylem ei thargedu nesaf.  

 

“Mae ein Tasglu'n chwarae rôl hanfodol o ran deall y mater hwn.

 

“Tra bod lluoedd lleol yn targedu gangiau Llinellau Cyffuriau yn eu hawdurdodaethau, rydym yn gweithio ochr yn ochr â nhw trwy dargedu’r gorsafoedd a’r trenau y mae’r gangiau hyn yn eu defnyddio i symud cyffuriau ac arian parod ledled y wlad. Byddwn yn parhau â'r gwaith hwn i mewn i 2021.”

Dywedodd yr Ysgrifennydd Cartref, Priti Patel: “Mae Tasglu Llinellau Cyffuriau yn cyflenwi canlyniadau trawiadol. Mae'n wych gweld bod eu gwaith pwysig o fewn ychydig dros flwyddyn wedi arwain at arestio 934 o bobl yr amheuir eu bod yn ymwneud â'r fasnach gyffuriau.

“Rwyf yn hynod ddiolchgar i’r holl swyddogion am y gwaith y maent yn ei wneud i chwalu gangiau cyffuriau llinellau cyffuriau, gan helpu i atal pobl ifanc sy'n agored i niwed rhag cael eu tynnu i mewn i fywyd o droseddu.”