Cyhoeddwyd mai Lucy D'Orsi yw'r Prif Gwnstabl newydd i Heddlu Trafnidiaeth Prydeinig

Cyhoeddodd Awdurdod Heddlu Trafnidiaeth Prydain (BTPA) heddiw fod Lucy D'Orsi wedi’i phenodi’n Brif Gwnstabl Heddlu Trafnidiaeth Prydeinig (BTP).  Bydd yn dechrau yn ei phenodiad yn gynnar yn y Flwyddyn Newydd.

Ar hyn o bryd Lucy yw Dirprwy Gomisiynydd Cynorthwyol yr Heddlu Metropolitanaidd (DAC) ar gyfer Ymgyrchoedd Arbenigol. Disgwylir y bydd Prif Gwnstabl presennol BTP, Paul Crowther CBE, yn ymddeol ym mis Chwefror 2020 ar ôl 40 mlynedd o wasanaeth parhaus nodedig gyda'r Llu.

Ymunodd Lucy â'r Gwasanaeth Heddlu Metropolitanaidd ym 1992. Mae ganddi brofiad helaeth o weithio ar draws nifer o fwrdeistrefi Llundain ac roedd ganddi'r rôl Comander Dwyrain Llundain. Ar hyn o bryd mae Lucy yn Uwch Gydlynydd Cenedlaethol Plismona Gwrth-Derfysgaeth ar gyfer Diogelwch Amddiffynnol a Pharodrwydd. Mae hi'n gweithio'n agos gyda busnesau'r DU, asiantaethau gorfodi'r gyfraith milwrol y DU a rhai Rhyngwladol. Mae Lucy yn gomander trefn gyhoeddus aur ac mae wedi arwain plismona digwyddiadau lluosog.

Ar hyn o bryd mae gan Lucy gyfrifoldebau yn Llundain am Amddiffyn Brenhinol ac Arbenigol, Amddiffyn Seneddol a Diplomyddol, Plismona Hedfan a Diogelwch Amddiffynnol. Yn ddiweddar, bu’n arwain ar ddathliadau’r Canmlwyddiant am 100 mlynedd o Fenywod Heddlu Metropolitanaidd a hi hefyd yw arweinydd Cenedlaethol yr Heddlu ar gyfer galluoedd Taser a Gwrth Drôn y DU.

Dywed Lucy: “Rwyf wrth fy modd i gael fy mhenodi’n Brif Gwnstabl nesaf BTP ac mae'n anrhydedd i mi. Rwyf yn edrych ymlaen at adeiladu ar yr etifeddiaeth y mae Paul yn ei throsglwyddo a hoffwn ddiolch iddo am ei ymroddiad i blismona. Er bod plismona prifddinas y Genedl wedi rhoi cyfoeth o brofiad gweithredol imi, mae'n gyffrous i mi arwain llu sy’n delio â natur unigryw plismona rhwydwaith rheilffyrdd, tanddaearol a thramiau Prydain.

"Bydd gweithio gyda phartneriaid diwydiant a'r llywodraeth i gadw teithwyr yn ddiogel, cadw'r rheilffordd yn symud ac amddiffyn ein seilwaith cenedlaethol hanfodol, yn arbennig yn ystod yr amseroedd ansicr hyn yn rhoi llawer o foddhad. Edrychaf ymlaen yn fawr at weithio gyda swyddogion a staff eithriadol BTP, ac Awdurdod yr Heddlu. Yn olaf, hoffwn ddiolch i'm teulu, ffrindiau a chydweithwyr sydd wedi fy nghefnogi trwy gydol fy ngyrfa blismona. "

Dywed Cadeirydd BTPA, Ron Barclay-Smith:“Credwn y bydd Lucy yn dod â sgiliau gwerthfawr ac arweinyddiaeth graff i BTP, ar adeg pan fydd dyfodol ansicr i dirwedd reilffordd Prydain. Â natur newidiol troseddu a galw ar y rheilffordd yn dilyn Covid-19, a’r angen am weithio’n agosach byth rhwng BTP a gweithredwyr trenau, rydym yn teimlo bod cyfuniad cryf Lucy o brofiad a dawn yn ei gosod mewn sefyllfa dda i arwain BTP.  Rydym wrth ein bodd ei bod wedi cytuno i ymgymryd â'r rôl hon."

Bydd Lucy yn darparu arweinyddiaeth effeithiol i weithlu mawr, gwasgaredig o dros 5,000 o heddweision a staff ledled Cymru, Lloegr a'r Alban, yn ogystal ag arwain partneriaethau adeiladol â'r Adran Drafnidiaeth, y gweinyddiaethau datganoledig a'r Diwydiant Rheilffyrdd ledled Prydain Fawr. Bydd yn datblygu Strategaeth BTP ac yn arwain BTP wrth ddarparu ei wasanaeth yn economaidd ac yn effeithlon, gan wella ei enw da ymhellach ar yr un pryd am ei ymagwedd arloesol a beiddgar ar y llwyfan plismona cenedlaethol.

Dewiswyd Lucy yn dilyn proses gyfweld ac asesu drwyadl dan arweiniad BTPA, y corff goruchwylio ar gyfer y BTP. Cymeradwywyd y penodiad gan yr Ysgrifennydd Gwladol dros Drafnidiaeth Grant Shapps AS a'i gadarnhau gan Weinidog Cyfiawnder yr Alban Humza Yousaf MSP. 

Ar gyfer ymholiadau gan y cyfryngau, cysylltwch â Rheolwr Ymgysylltu a Chyfathrebu Rhanddeiliaid BTPA Pamela Christie ar 07917782198 neu[email protected]