Apêl am dystion yn dilyn ymladd ar drên – Gogledd Cymru / Caer
Cynnwys y prif erthygl
Mae swyddogion yn apelio i dystion ddod ymlaen ar ôl i ymladd ddigwydd ar drên yng Ngogledd Cymru.
Am oddeutu 6.45pm ar ddydd Sadwrn 12 Gorffennaf, dechreuodd dau ddyn ddadlau ar drên llawn dop o Landudno i Faes Awyr Rhyngwladol Manceinion.
Datblygodd y ddadl yn ymladd pan oedd y trên rhwng Prestatyn a Fflint, gan achosi gofid i sawl aelod o'r cyhoedd.
Credir bod rhai o'r bobl a oedd yn rhan o'r digwyddiad wedi bod yn dychwelyd o gêm bêl-droed ym Mae Colwyn ac yn mynd i Crosby yng Nghlannau Mersi.
Mae swyddogion yn apelio ar unrhyw un a welodd y digwyddiad, neu a allai fod â lluniau o'r digwyddiad, i ddod ymlaen.
Gallwch gysylltu â Heddlu Trafnidiaeth Prydeinig drwy decstio 61016 neu drwy ffonio 0800 40 50 40, gan ddyfynnu'r cyfeirnod 579 o 12 Gorffennaf.
Fel arall, gallwch gysylltu â Crimestoppers yn ddienw ar 0800 555 111.