Apêl am dystion ar ôl i fenyw farw yn dilyn digwyddiad yn Birmingham New Street

Mae ditectifs yn apelio am dyst penodol i ddod ymlaen yn dilyn marwolaeth drist menyw ar ôl digwyddiad ym mis Tachwedd y llynedd.

Fe gafodd swyddogion eu galw i orsaf reilffordd Birmingham New Street ychydig wedi 11am ar ddydd Mawrth 19 Tachwedd 2024 yn dilyn adroddiadau am ymosodiad ar fenyw ar y cyntedd.

Fe wnaeth y fenyw anafedig, a oedd yn ei 80au, ddioddef asgwrn clun wedi'i dorri ac anafiadau posibl i nifer o asennau yn y digwyddiad, ac yn anffodus bu farw ar ddydd Gwener 27 Rhagfyr.

Credir bod ei marwolaeth yn gysylltiedig â'r digwyddiad.

Mae swyddogion yn awyddus i siarad â’r dyn a welodd y digwyddiad, mae’n cael ei ddisgrifio fel dyn gwyn tal yn ei 30au cynnar, gyda barf byr ar arddull bwch gafr. Roedd yn gwisgo het 'beanie' brown wedi'i gwau, sbectol ffram ddu, côt uchaf fer wlân gyda bron ddwbl ddu, trowsus tsino llwydfelyn, menig llwyd tywyll, sgarff llwyd golau, esgidiau du a sach deithio ddu.

Mae swyddogion yn credu bod gan y dyn yn y disgrifiad wybodaeth werthfawr a allai helpu'r ymchwiliad.

Arestiwyd menyw yn ei 20au ar amheuaeth o GBH ac ers hynny mae hi wedi’i harestio ar amheuaeth o ddynladdiad a’i rhyddhau ar fechnïaeth amodol tra bod ymholiadau pellach yn cael eu cynnal.

Dywedodd DI Ian Wright o CID Birmingham: “Rydym yn annog y tyst i’r digwyddiad hwn i ddod ymlaen, rydym yn credu bod ganddo wybodaeth hanfodol a fydd yn cynorthwyo’r ymchwiliad hwn.

“Anogir y dyn, neu unrhyw un arall a allai fod wedi gweld yr hyn a ddigwyddodd, i gysylltu â ni drwy decstio 61016 neu drwy ffonio 0800 40 50 40, gan ddyfynnu'r cyfeirnod 243 o 19 Tachwedd 2024.”

Fel arall, gellir gwneud adroddiadau drwy ffonio Crimestoppers yn ddienw ar 0800 555 111.