Troseddu wedi gostwng 18% ym mis Rhagfyr: Llwyddiant i Heddlu Trafnidiaeth Prydeinig ac ymgyrch Trafnidiaeth Cymru ar y cyd

Trwy gydol mis Rhagfyr 2022, cynhaliodd Heddlu Trafnidiaeth Prydeinig (HTP) a Thrafnidiaeth Cymru (TrC) ymgyrch ar y cyd, o'r enw Ymgyrch Genesis, i gadw'r rheiny ar y rhwydwaith rheilffyrdd yn ddiogel yn ystod cyfnod prysur yr ŵyl, a arweiniodd at ostyngiad o bron i 18% yn y troseddau cyffredinol ar y rhwydwaith rheilffyrdd.

Roedd Ymgyrch Genesis yn cynnwys swyddogion heddlu ychwanegol, mewn iwnifform a dillad plaen, a staff rheilffordd TfW yn gweithio ar draws y rhwydwaith ledled Cymru i helpu a chynorthwyo'r cyhoedd, gyda phwyslais ar ddyddiau Gwener a Sadwrn.  Roedd hefyd yn atal troseddu'n rhagweithiol, yn ogystal â darparu sicrwydd a chyngor diogelwch personol.

Gyda photensial o bum penwythnos prysur drwy gydol mis Rhagfyr, yn hytrach na phedwar penwythnos am y blynyddoedd diwethaf, bu HTP a TrC yn gweithio'n agos iawn yn y cyfnod cyn mis Rhagfyr i sicrhau bod y nifer cywir o swyddogion a staff wedi'u lleoli ar draws y rhwydwaith rheilffyrdd ar yr adeg gywir ac yn y lle cywir.  Roedd Rhagfyr 2022 hefyd yn gyfnod cyntaf yr ŵyl ers dwy flynedd heb unrhyw gyfyngiadau yn ymwneud â Covid.

Mae rhai o'r prif ganlyniadau gan Ymgyrch Genesis yn cynnwys Gostyngiad cyffredinol o 17.8% mewn troseddau (o'i gymharu â Rhagfyr 2021), gan gynnwys:

• Gostyngiad o 62.5% mewn ymosodiadau ar staff rheilffordd.
• Gostyngiad o 45.5% mewn troseddau treisgar.
• 3% yn llai o droseddau rhywiol.
• Gostyngiad o 4.3% mewn troseddau trefn gyhoeddus.

 

• Gwnaed 28 o arestiadau, am wahanol resymau, megis meddw ac anhrefnus, lladrata, troseddau rhywiol, ymosod, meddu ar sylweddau anghyfreithlon, tresmasu, enllibion homoffobig, a throseddau eraill.

 

• Cynhaliwyd 109 o droadau allan o orsafoedd.

 

• Cynhaliwyd 100 o achosion Stopio a Chyfrif (Stopio a Chyfrif yw pan fydd heddwas yn stopio aelod o'r cyhoedd a gofyn iddyn nhw gyfrif yn wirfoddol am eu hymddygiad neu eu gweithredoedd, neu gofyn i'r person beth maen nhw'n ei gario, lle maen nhw'n mynd, beth maen nhw'n ei wneud yn yr ardal, neu unrhyw gwestiynau eraill am eu hymddygiad).

 

• 155 awr o amlygrwydd ychwanegol yn ystod y cyfnod hwn.

Wrth siarad am Ymgyrch Genesis, dywedodd Uwch-arolygydd HTP, Andy Morgan: "Diogelwch a lles teithwyr a staff y rheilffyrdd yw ein prif flaenoriaeth bob amser, a dyna pam wnaethon ni ymuno â Thrafnidiaeth Cymru wrth gyflwyno Ymgyrch Genesis.Dyma oedd mis prysuraf y flwyddyn, a chyfnod cyntaf yr ŵyl, ers sawl blwyddyn, heb unrhyw gyfyngiadau teithio oherwydd y pandemig.

"Rwy'n hynod falch o weld a gostyngiad cyffredinol mewn troseddu o bron i 18% ac rwyf hefyd yn falch o weld gostyngiad mawr mewn troseddau rhywiol a threisgar.  Mae hyn yn ein rhoi mewn sefyllfa dda i gymryd rhai o'r gwersi cadarnhaol i mewn i 2023.Hoffwn ddiolch i Drafnidiaeth Cymru am eu help a chymorth a'u gwaith caled yn ystod Ymgyrch Genesis a hoffwn ddiolch hefyd i aelodau'r cyhoedd am eu cymorth a'u gwyliadwriaeth dros y cyfnod hwn."

Ychwanegodd Leyton Powell, Cyfarwyddwr Diogelwch, Cynaliadwyedd a Risg Trafnidiaeth Cymru: "Rydym yn ddiolchgar iawn am waith Heddlu Trafnidiaeth Prydeinig wrth helpu i gadw rhwydwaith rheilffyrdd Cymru a’r Gororau yn ddiogel fel rhan o Ymgyrch Genesis, ac i’r mwyafrif helaeth o deithwyr rheilffordd am eu cydweithrediad dros yr ŵyl.

"Yn gyffredinol gwrthodwyd teithio i 614 o bobl ar ein gwasanaethau oherwydd ymddygiad afreolus yn ystod mis Rhagfyr. Bu gostyngiad o 62.5% mewn ymosodiadau ar staff Trafnidiaeth Cymru o gymharu â mis Rhagfyr 2021, sy’n dangos y cynnydd yr ydym wedi’i wneud wrth gydweithio i sicrhau diogelwch ein cydweithwyr yn y diwydiant rheilffyrdd. Roeddem hefyd yn gallu diogelu teithwyr agored i niwed drwy weithio mewn partneriaeth â’r heddlu a’r gwasanaethau ambiwlans mewn “mannau diogel” dynodedig.

"Mae ein cydweithwyr rheng flaen a diogelwch yn falch o fod wedi gweithio ochr yn ochr â HTP i gyflawni gweithrediadau llwyddiannus. Rydym yn edrych ymlaen at adeiladu ar hyn yn 2023 a byddwn yn parhau i gydweithio yn 2023 er mwyn sicrhau bod teithwyr yn parhau i deithio’n ddiogel."

Atgoffir aelodau'r cyhoedd i ddefnyddio'r rhif testun 61016 os ydynt am riportio trosedd ar y rhwydwaith rheilffyrdd neu ffonio 999 mewn argyfwng.  Mae BTP hefyd wedi lansio'r ap newydd Railway Guardian.  Mae'r ap hwn sydd am ddim yn ap diogelwch popeth-mewn-un sy'n eich galluogi i riportio troseddau neu bryderon ar y rhwydwaith rheilffyrdd, rhannu'ch teithiau gyda chysylltiadau dibynadwy, a chael mynediad at newyddion, canllawiau, neu gymorth.