Tîm Heddlu Trafnidiaeth Prydeinig yn ennill gwobr am ostyngiad mewn ASB yn Hengoed

Mae tîm plismona bro wedi cael eu cydnabod gyda gwobr i'r llu yn dilyn eu llwyddiant wrth ostwng ymddygiad gwrthgymdeithasol.

Roedd y tîm, sy'n cynnwys swyddogion a Swyddogion Cymorth Cymunedol yr Heddlu, yn wynebu'r broblem o fwy o ymddygiad gwrthgymdeithasol a pheryglus yng ngorsaf Hengoed.
Dros y misoedd diwethaf roedd yr orsaf wedi gweld cynnydd mewn troseddau fel llosgi bwriadol, rhwystro ac ymosodiadau ar staff.
Fe wnaethon nhw ymateb drwy sefydlu dull amlasiantaethol o nodi troseddwyr a mwy o batrolau amlygrwydd uchel.

Cafodd hysbysiadau gwasgaru adran 35 eu gweithredu a'u gorfodi ac anfonwyd llythyrau at rieni.
Cynhaliodd y tîm ymweliadau cartref hefyd i siarad â rhieni wyneb yn wyneb a chyflenwyd ymweliadau ysgol, gan weithio gyda phartneriaid i sefydlu hyfforddiant a chwnsela i atal aildroseddu.

O fewn mis yn unig, aeth galwadau i wasanaethu ar Reilffordd Cwm Rhymni i lawr o 114 i 53 a gwnaed nifer o arestiadau. Mae'r gwaith yn parhau i weld llwyddiant.

Dywedodd yr Uwch-arolygydd Dave Rams: "Mae gwaith NPT Caerdydd yn nodi sut mae plismona bro yn gweithio ar ei orau – drwy ddeall y gymuned y mae'n ei gwasanaethu a thrwy weithio gyda phartneriaid i nodi rhesymau y tu ôl i ymddygiad sy'n ein galluogi i fynd i'r afael â'r broblem orau.
"Mae'r wobr hon yn haeddiannol iawn ac mae ffocws parhaus y tîm yn golygu bod y rheilffordd, yn enwedig yn Hengoed, yn lle mwy diogel i deithwyr a staff y rheilffyrdd."