Mae Heddlu Trafnidiaeth Prydeinig yn chwilio am wirfoddolwyr ifanc i ymuno â grŵp cynghori annibynnol

Mae Heddlu Trafnidiaeth Prydeinig (BTP) yn chwilio am bobl 13-17 oed i ymuno â’i Grŵp Cynghori Annibynnol yng Nghymru, De-orllewin Lloegr, Canolbarth Lloegr a’r Pennines.

Mae BTP yn plismona rheilffyrdd Prydain, gan ddarparu gwasanaeth i weithredwyr rheilffyrdd, eu staff a theithwyr ledled y wlad.

Mae'r heddlu wedi sefydlu Grwpiau Cynghori Annibynnol mewn gwahanol ranbarthau i helpu i ymgysylltu â chymunedau, datblygu cynlluniau ac adolygu eu gweithgarwch a'u gweithrediadau. Mae'r grŵp a'i aelodau yn gwbl annibynnol ar yr heddlu.

Mae’r grŵp yn helpu i sicrhau bod arddull plismona’r heddlu yn adlewyrchu anghenion y gymuned gyfan drwy:

• arsylwi gweithrediadau
• helpu i ddatblygu cynlluniau plismona lleol
• cynghori ar sut mae gweithredoedd yn cael eu dehongli gan aelodau'r cyhoedd

Dywedodd Arolygydd BTP Richard Powell: “Rydym eisiau clywed yn uniongyrchol gan bobl ifanc am sut mae'r hyn rydym yn ei wneud yn effeithio arnyn nhw.

“Rydym yn chwilio am bobl o bob cefndir, sydd â diddordeb mewn plismona a’i effaith ar yr ardal leol, i’n helpu i wella ein gwasanaeth.”

Mae'r grŵp yn cyfarfod bedair gwaith y flwyddyn ac mae'n cynnwys gwirfoddolwyr annibynnol, o ystod eang o gefndiroedd, cymunedau a grwpiau amrywiaeth. Nid yw aelodau'r panel yn cael eu talu i gyflawni'r rôl ond yn cael eu had-dalu am gostau cysylltiedig megis teithio.

I gymryd rhan gyda Grŵp Cynghori Annibynnol BTP, cysylltwch â [email protected]