Dyn yn euog o ymosod yn rhywiol ar fenyw ar drên – Parc Caeredin

Mae dyn wedi ei gael yn euog o ymosod yn rhywiol ar fenyw ar fwrdd gwasanaeth trên rhwng Parc Caeredin a Stirling, yn dilyn ymchwiliad gan Heddlu Trafnidiaeth Prydeinig.

Mae dyn wedi ei gael yn euog o ymosod yn rhywiol ar fenyw ar fwrdd gwasanaeth trên rhwng Parc Caeredin a Stirling, yn dilyn ymchwiliad gan Heddlu Trafnidiaeth Prydeinig.

Cafodd Brian Houston, 37, Causewayhead Road, Stirling, ei gollfarnu yn Llys Sirol Stirling, o ymosodiad rhywiol o dan Ddeddf Troseddau Rhywiol (Yr Alban) 2010 Adran 3 ar 21ain Gorffennaf.

Cafodd ei ddedfrydu i ddwy flynedd o oruchwyliaeth gymunedol sy'n cynnwys gorchymyn gwneud iawn â'r gymuned ac fe'i rhoddwyd ar gofrestr troseddau rhyw yn ystod y cyfnod hwn.

Ar 20fed Mawrth 2019 roedd Houston yn teithio ar drên rhwng Parc Caeredin a Stirling tua 11.30am, pan wnaeth ymosodiad rhywiol ar fenyw 44 oed.

Riportiodd y ddioddefwraig wrth yr heddlu a lansiodd ymchwiliad llawn wedyn.

Dywedodd Donna Davanna, Ditectif Gwnstabl BTP:
"Ni fyddTroseddu rhywiol yn cael ei oddef o gwbl ar y rhwydwaith rheilffyrdd. Mae gan bawb yr hawl i deithio a theimlo'n ddiogel.

"Byddwn bob amser yn cymryd adroddiadau am droseddau rhywiol o ddifrif, ac yn yr achos hwn roeddem yn gallu arestio'r sawl dan amheuaeth yn gyflym ar ôl i'r ddioddefwraig riportio'r drosedd i ni. Yn dilyn ein hapêl ar y cyfryngau, hoffwn ddiolch i aelodau'r cyhoedd a ddaeth ymlaen ac adnabod Houston. Yna, roeddem yn gallu dod ag ef gerbron y llysoedd.

"Os ydych chi byth yn dioddef trosedd rywiol neu ymddygiad rhywiol digroeso ar y rhwydwaith rheilffyrdd, gallwch ein tecstio'n dawel ar 61016 neu ffonio 0800 40 50 40. Mewn argyfwng ffoniwch 999 bob amser."