BTP yn annog rhieni i rybuddio eu plant am beryglon tresmasu

Mae rhieni'n cael eu hannog i ddysgu eu plant am beryglon y rheilffordd wrth i'r ysgolion gau ar gyfer yr Haf, ar ôl nifer o ddigwyddiadau ar y cledrau yn yr Alban.

Cofnodwyd 1669 o ddigwyddiadau tresmasu yn yr Alban yn 2021/2022 o'i gymharu â 1633 yn y flwyddyn 2020/2021. In addition to this, British Transport Police (BTP) has also dealt with 778 incidents of vandalism compared with 635 incidents during the same period. Mae fandaliaeth yn cynnwys taflu cerrig, difrod i gysgodfeydd, diffoddwyr tân yn cael eu defnyddio a graffiti.

Mae swyddogion yn parhau i batrolio'r rhwydwaith i helpu i fynd i'r afael â'r mater ac wedi bod yn ymgysylltu ag ysgolion i godi ymwybyddiaeth o beryglon y rheilffordd.

Esboniodd Michael Magee, Arolygydd Heddlu Trafnidiaeth Prydeinig:"Nid maes chwarae yw'r rheilffordd. Bob tro y bydd rhywun yn camu ar y trac maent yn rhoi eu hunain mewn perygl o gael anaf difrifol sy'n newid bywyd.

"Rydym yn tueddu i weld cynnydd yn nifer yr achosion o dresmasu ac ymddygiad gwrthgymdeithasol sy'n gysylltiedig â phobl ifanc yn ystod gwyliau'r ysgol. Yr haf hwn rydym yn annog rhieni a gofalwyr i gael y sgwrs honno gyda'u plant i sicrhau eu bod yn ymwybodol o beryglon y rheilffordd.

“Diogelwch yw ein prif flaenoriaeth ac rydym yn gofyn i bob un ohonom siarad â'n hanwyliaid i atal difrod pellach neu anafiadau difrifol."

Dywedodd Liam Sumpter, cyfarwyddwr llwybrau Network Rail ar gyfer yr Alban: "Mae tresmasu ar y rheilffordd yn hynod o beryglus - mae trenau'n cymryd amser hir i stopio a bydd unrhyw un sy'n cael ei daro gan un yn dioddef anaf difrifol neu waeth.

"Mae'r rheilffordd hefyd yn llawn peryglon cudd - fel llinellau pŵer uwchben sy'n gallu cario hyd at 25,000 o foltiau a lladd ar unwaith.

“Rydym yn gweithio'n agos gyda Heddlu Trafnidiaeth Prydeinig, a phartneriaid eraill, i godi ymwybyddiaeth o beryglon tresmasu a byddem yn annog y cyhoedd i gadw oddi ar y cledrau."

INegeseuon pwysig i rieni a gofalwyr eu rhannu gyda phlant:

• Nid yw'r rhwydwaith rheilffyrdd byth yn cael ei ddiffodd. Mae trydan yn pweru'r ceblau uwchben 24/7.
• Peidiwch byth â rhagweld pryd y disgwylir y trên nesaf. Gall amserlenni newid a maent dim ond yn dangos gwasanaethau i deithwyr – gall trenau cludo nwyddau redeg ar unrhyw adeg o'r dydd neu'r nos a gallant deithio hyd at 100mya.
• Mae Tresmasu'n anghyfreithlon, a gallai unrhyw un sy'n cael ei ddal wynebu dirwy o hyd at £1,000 a chael ei adael gyda chofnod troseddol.

 

Mae BTP a Network Rail yn cynnal ymgyrch ddiogelwch drawiadol – You Vs Train, sy'n amlygu'r canlyniadau dinistriol a achosir gan dresmasu ar y rheilffordd. Mae rhagor o wybodaeth am ddiogelwch ar y rheilffyrdd ar gael ynwww.youvstrain.co.uk