Dynion wedi'u carcharu am 24 mlynedd ar ôl taro a ffoi Billericay - Essex

Mae dau ddyn wedi’u carcharu am 24 mlynedd ar ôl ceisio lladd dyn drwy ei redeg drosodd mewn car a oedd wedi’i ddwyn gyda phlatiau ffug, yn dilyn ymchwiliad gan Heddlu Trafnidiaeth Prydeinig.
Cafwyd Joshua Littlechild, 26, o Delphian Way, Bishops Stortford, a Joshua Lloyd, 29, o Oak Green, Billericay, yn euog o geisio llofruddio yn Llys y Goron Basildon ar 22 Ionawr 2024.Roedd Littlechild a Lloyd wedi pledio'n euog yn flaenorol i gymryd gwaethygedig heb ganiatâd.
Cawson nhw eu dedfrydu yn yr un llys ar 11 Hydref 2024 i 24 mlynedd o garchar am ymgais i lofruddio, 12 mis o garchar am gymryd gwaethygedig heb ganiatâd i’w redeg ar yr un pryd â’u dedfryd arall, a rhoddwyd gwaharddiad gyrru o 12 mis i bob un a fydd yn effeithiol ar ôl eu rhyddhau.
Yn ogystal dedfrydwyd Lloyd i 12 mis arall o garchar am dyfu canabis hefyd i gydredeg â'i ddedfrydau eraill.
Clywodd y llys sut, ar 18 Mawrth 2023 ychydig ar ôl 1am, roedd y dioddefwr a’i ffrindiau yn mynd i’r safle tacsis y tu allan i orsaf reilffordd Billericay ar ôl noson allan pan wnaeth y dioddefwr gymryd rhan mewn ffrae gyda Littlechild a Lloyd.
Gwahanodd y ddau grŵp, gyda'r dioddefwr a'i ffrindiau yn cerdded yn ôl tuag at yr orsaf i gael tacsi fel y cynlluniwyd. Wrth aros yn y safle tacsis, fe wnaeth Ford Fiesta gwyn a yrrwyd gan Littlechild yrru'n gyflym tuag at y grŵp, gan daro'r dioddefwr cyn gyrru i ffwrdd.
Gadawyd y dioddefwr ag anaf difrifol i'r ymennydd ac roedd angen llawdriniaethau lluosog i atgyweirio'r difrod. Mae'n dioddef o gur pen difrifol, mae'n brwydro i gadw cydbwysedd ac mae ganddo broblemau gwybyddol difrifol. Nid oes ganddo gof tymor byr ac mae'n cael trafferth adnabod ei faban newydd-anedig. Mae angen goruchwyliaeth gyson arno sydd wedi rhoi straen enfawr ar ei deulu.
Yn dilyn ymchwilio, nododd swyddogion fod y car wedi'i ddwyn wythnos ynghynt a'i fod ar blatiau ffug. Roedd y car wedi’i leoli nepell o gyfeiriad Lloyd. Cafwyd hyd i negeseuon testun ar ffôn Lloyd, oddi wrth Littlechild, yn rhybuddio bod yr heddlu wedi dod o hyd i’r car. Arestiwyd Lloyd yn ei gyfeiriad cartref ar 18 Mawrth 2023, a chafodd Littlechild ei arestio dridiau yn ddiweddarach yn ardal Newcastle. Wrth ei arestio roedd ganddo gês a'i basport.
Dywedodd y swyddog ymchwilio, Ditectif Ringyll Marc Farmer: “Rwy’n hynod falch gyda’r canlyniad yn yr achos hwn. Gweithredodd Lloyd a Littlechild gyda llwfrdra a malais eithafol, ac wrth geisio lladd rhywun oherwydd anghytundeb mor fân amlygwyd y perygl yr oeddent yn ei beri i’r cyhoedd.
“Cafodd y dioddefwr anafiadau a newidiodd ei fywyd, ac rwy’n gobeithio y gall y ddedfryd a roddwyd roi rhywfaint o dawelwch meddwl i'r dioddefwr a’i deulu. Hoffwn i ddiolch i’r holl swyddogion a weithiodd yn ddiflino ar yr ymchwiliad, ac a helpodd i gasglu’r dystiolaeth a’i gwnaeth yn bosibl i sicrhau dedfryd heddiw.”