Dyn wedi'i ddedfrydu yn dilyn ymgais haerllug i ladrata - Newcastle

Mae dyn wedi cael dedfryd o garchar wedi’i ohirio ar ôl ymgais haerllug i ddwyn bag oddi wrth rywun o flaen gorsaf reilffordd Newcastle Central ganol dydd.
Cafodd Steven Elliott, 32, ac o Ridley Terrace yn Gateshead, ei ddedfrydu yn Llys y Goron Newcastle ar ddydd Mercher (5 Mawrth) i 14 mis o garchar wedi’i ohirio am ddwy flynedd, a’i orchymyn i dalu £187 mewn ffioedd.
Clywodd y llys sut, ar ddydd Sul 18 Chwefror yn 2024, aeth Elliott at grŵp o bobl oedd yn sefyll y tu allan i’r orsaf a gofyn iddyn nhw am gyffuriau.
Pan gafodd ei wrthod, defnyddiodd Elliott iaith rywiaethol tuag at un o'r menywod yn y grŵp.Yna trodd at y dioddefwr, a oedd yn gwisgo bag dyn o amgylch ei wddf, a dweud: “Fe wna i ladrata oddi wrthych chi 'te.”
Cydiodd Elliott yn y bag a'i gipio, gan achosi i'r strapiau dorri. Fe wnaeth y dioddefwr ac Elliott frwydro ac ymladd dros y bag, cyn i'r bag gael ei adennill a bod y dynion yn cael eu gwahanu.
Cerddodd y grŵp yn ôl i mewn i'r orsaf a dilynodd Elliott nhw i mewn, lle gwnaeth wynebu'r dioddefwr eto cyn gadael.
Cafodd y digwyddiad ei riportio i aelod o staff a chafodd Heddlu Trafnidiaeth Prydeinig eu galw, a chafodd Elliott ei arestio yn fuan wedyn.
Dywedodd y swyddog ymchwilio DC Adil Ahmed: “Fe wnaeth Elliott ymddwyn yn beryglus ac yn anrhagweladwy yn ystod ei ymgais i ladrata, ac rwy’n gobeithio y bydd y ddedfryd hon yn rhoi achos iddo fyfyrio ar ei weithredoedd.
“Rydym yn cymryd pob adroddiad o ladrata a thrais o ddifrif, a byddwn ni'n parhau i erlyn yn ddidrugaredd y rhai a fyddai’n targedu eraill er eu budd eu hunain ar y rhwydwaith rheilffyrdd.”