Dyn wedi'i garcharu am drywanu aelod o staff yr orsaf – Charing Cross

Mae dyn 21 oed wedi cael ei garcharu am fwy na thair blynedd ar ôl iddo drywanu aelod o staff yr orsaf.

Yn dilyn ymchwiliad gan Heddlu Trafnidiaeth Prydeinig plediodd Jonathan Daniel, heb gartref sefydlog, yn euog i niwed corfforol difrifol, bod â chyllell yn ei feddiant ac aflonyddu ar sail crefydd/hiliaeth a chafodd ei ddedfrydu i 42 mis yn y carchar yn Llys y Goron Llundain Fewnol ar ddydd Mawrth 12 Tachwedd.

Hefyd gorchmynnwyd iddo dalu gordal dioddefwr o £187.

Clywodd y llys sut, ar ddydd Gwener 20 Hydref y llynedd, gofynnodd aelod o staff yng ngorsaf Charing Cross i Daniel symud oddi wrth y fynedfa gan ei fod yn achosi aflonyddwch a bod yn ymosodol i deithwyr.

Aeth Daniel yn fwyfwy ymosodol ac wrth i’r dioddefwr droi i ffwrdd i ddefnyddio ei radio i ofyn am gymorth gan gydweithwyr, cafodd ei drywanu yn ei gefn gan Daniel a redodd i ffwrdd wedyn â’r gyllell yn ei law.

Oriau’n ddiweddarach fe welodd swyddogion Daniel yn Leicester Square a chafodd ei arestio tra’n dal i gario’r gyllell roedd wedi ei defnyddio yn yr ymosodiad.

Dywedodd y swyddog ymchwilio DC Gemma Lee: “Roedd hwn yn ymosodiad erchyll ar rywun a oedd ond yn gwneud ei gwaith, yn helpu i gadw’r rhwydwaith rheilffyrdd a’r rhai sy’n ei ddefnyddio’n ddiogel.

“Fe wnaeth y dioddefwr ddioddef asen wedi'i thorri a gwaedu o amgylch yr ysgyfaint ac mae digwyddiadau’r prynhawn hwnnw wedi'i thrawmateiddio o hyd.

“Does dim esgus dros gario cyllyll nac unrhyw arfau eraill ar y rhwydwaith rheilffyrdd ac rydym yn parhau i weithio’n ddiflino i’w tynnu oddi ar y rheilffordd.”