Dyn wedi’i garcharu ar ôl ymchwiliad Llinellau Cyffuriau – Cymru

Mae dyn 21 oed wedi’i garcharu am ddwy flynedd ar ôl cyrch Linellau Cyffuriau Heddlu Trafnidiaeth Prydeinig yng ngorsaf drenau Abertawe.

Plediodd Florian Fera, (28/02/2003) heb gartref sefydlog, yn euog i feddu ar gyffur dosbarth A gyda'r bwriad o gyflenwi cyffur dosbarth A a chafodd ei ddedfrydu ar ddydd Mawrth (9 Gorffennaf) yn Llys y Goron Abertawe.

Clywodd y llys sut, ar ddydd Iau, 25 Ebrill eleni, y cafodd Fera ei chwilio gan swyddogion Tasglu Llinellau Cyffuriau ar ôl i gi heddlu ganfod ei fod yn cario cyffuriau.

Canfuwyd bod ganddo ddau iPhone, £400 mewn arian parod ac 13 bag clecian o bowdr gwyn y canfuwyd yn ddiweddarach ei fod yn gocên gyda gwerth stryd o hyd at £900.

Dywedodd y swyddog ymchwilio DC Stephen Redmond: “Rydym yn gweithio’n gyson i dargedu troseddoldeb ar y rheilffordd, yn benodol y rhai sy’n defnyddio’r rhwydwaith i gludo cyffuriau i gymunedau.

“Rydym yn defnyddio amrywiaeth o adnoddau gan gynnwys patrolau cudd a’n timau cŵn arbenigol. Rydym bob amser yn chwilio am unrhyw un sy'n defnyddio'r rheilffordd ar gyfer gweithgareddau ysgeler.”