Dyn wedi'i ddal gyda chanabis mewn ymgyrch Llinellau Cyffuriau wedi'i garcharu - Paddington

Mae dyn 22 oed wedi’i ddedfrydu ar ôl iddo gael ei ddal yn cario cyffuriau gwerth dros £8k ar y stryd.

Plediodd Mohammed Mirza, o Worcester Court, Elmfield Way, San Steffan yn euog i fod â chyffur dosbarth B rheoledig yn ei feddiant gyda’r bwriad o gyflenwi a chafodd ei ddedfrydu yn Llys y Goron Llundain Fewnol ar ddydd Mawrth, 18 Mehefin.

Cafodd ei ddedfrydu i wyth mis yn y carchar wedi'i ohirio am ddwy flynedd ac mae'n rhaid iddo fodloni gofyniad gweithgaredd adsefydlu.

Hefyd gorchmynnwyd iddo gwblhau 120 awr o waith di-dâl a rhaid iddo dalu gordal dioddefwr o £187.

Clywodd y llys fod swyddogion dillad plaen o Dasglu Llinellau Cyffuriau BTP yn patrolio Gorsaf Reilffordd Paddington ar ddydd Mercher Ebrill 24 pan wnaethon nhw weld Mirza a mynd ato.

Ar ôl ei holi am ei gynlluniau teithio daeth swyddogion yn amheus y gallai fod yn gysylltiedig â chludo cyffuriau.

Pan ofynnwyd iddo a oedd yn cario unrhyw beth na ddylai fod, atebodd Miraz ‘Hash’.

Cafodd ei gadw a’i chwilio a chafwyd ei fod yn cario 17 bar o resin canabis gyda gwerth stryd o £8,425.

Dywedodd y swyddog ymchwilio PC Jonny Smith: “Doedd stori Mirza am pam ei fod yn teithio ddim yn gwneud synnwyr ac fe wnaeth hyn dynnu sylw at amheuon ymhlith ein swyddogion arbenigol.

“Rydym bob amser yn gwylio am unrhyw un sy’n ymwneud â gweithgarwch Llinellau Cyffuriau – rydym yn defnyddio nifer o unedau arbenigol, gan gynnwys swyddogion dillad plaen a chŵn cyffuriau felly gallwch fod yn dawel eich meddwl – os ydych yn ymwneud â gweithgarwch troseddol ar y rhwydwaith rheilffyrdd – byddwch chi'n cael eich dal a'ch dwyn o flaen eich gwell.

“Os gwelwch chi unrhyw beth sy’n ymddangos yn amheus wrth i chi deithio ar y rheilffordd, riportiwch ef i ni drwy decstio 61016 neu ffonio 0800 40 50 40.”