Dyn yn cario dwy gyllell ymladd mewn gorsaf wedi’i garcharu - Hull

Mae dyn 25 oed a ddywedodd wrth yr heddlu ei fod am ladd rhywun pan ddaethpwyd o hyd iddo gyda dwy gyllell ymladd wedi’i garcharu, yn dilyn ymchwiliad gan Heddlu Trafnidiaeth Prydeinig.
Plediodd Jordan Felton, o Wenborough Lane, Bradford, yn euog i ddau gyhuddiad o fod ag erthygl llafnog yn ei feddiant a chafodd ei ddedfrydu i chwe mis yn y carchar yn Llys Ynadon Bradford ar ddydd Mercher 3 Gorffennaf.
Clywodd y llys sut, ar 24 Mai, y gwelodd swyddogion Llinellau Cyffuriau Felton yng ngorsaf Hull a mynd ato. Ar ôl sgwrsio ag ef, cododd Felton amheuon y swyddogion a chwiliwyd ef.
Canfu swyddogion ei fod yn cario dwy gyllell ymladd marwol, un yn hawdd ei chyrraedd yn ei boced siaced a'r llall yn ei sach deithio.
Er iddo honni bod y cyllyll ar gyfer pysgota, dywedodd wrth swyddogion ei fod yn anwadal ac yn mynd i ladd rhywun cyn bygwth brathu trwynau'r swyddogion.
Dywedodd y swyddog ymchwilio DS Karen Grave: “Cafodd Felton ei arestio yn ystod patrôl arferol gan ein tasglu llinellaucyffuriau. Diolch i arbenigedd ein swyddogion codwyd eu hamheuon ar unwaith.
“Diolch byth, oherwydd eu hymyrraeth, mae dau arf marwol bellach oddi ar y rhwydwaith rheilffyrdd a’r strydoedd.
“Mae ein tasglu Llinellau yffuriau yn plismona’r rheilffordd 24/7 – efallai na fydd troseddwyr yn ein gweld – ond fel y gall Felton dystio, rydyn ni bob amser yn cadw ein llygad arnyn nhw.”

25 year