Naw arestiad ar ôl i Heddlu Trafnidiaeth Prydeinig weithredu cyfres o warantau cyffuriau

Mae naw o bobl wedi’u harestio am droseddau cyffuriau ar ôl cyfres o warantau a chwiliadau, yn dilyn ymchwiliad gan Heddlu Trafnidiaeth Prydeinig.

Ar ddydd Gwener (10 Gorffennaf), gweithredodd swyddogion warantau mewn wyth cyfeiriad ym Mryste, Llwydlo a Llundain.

Yn ogystal â maint o gyffuriau, atafaelwyd mwy na £30,000 o arian parod ac eitemau gwerth uchel yn yr ymgyrch a oedd yn cynnwys dros 100 o swyddogion Heddlu Trafnidiaeth Prydeinig, yn ogystal â swyddogion o luoedd lleol

Mae dwy fenyw, 17 a 21 oed, a saith dyn, dau 23 oed, un 24 oed, dwy 25 oed, un 26 oed, ac un 27 oed, wedi’u harestio ar amheuaeth o droseddau cyflenwi cyffuriau.

Dywedodd Ditectif Arolygydd BTP Paul Stanley: “Mae cyfres gwarantau heddiw yn ganlyniad i fisoedd o waith, yn casglu gwybodaeth a chudd-wybodaeth. Mae'r arestiadau hyn yn arddangos ein hymdrech i dargedu gangiau sy'n defnyddio'r rheilffordd i symud cyffuriau ac arian parod ledled y wlad a gobeithio ei fod yn rhoi sicrwydd i'n cymunedau ein bod wedi ymrwymo i wneud popeth o fewn ein gallu i fynd i'r afael â'r math hwn o droseddoldeb.

“Rydym yn gwybod bod gweithgareddau Llinellau Cyfffuriau yn digwydd ar y rhwydwaith reilffyrdd, ac mae'n rhywbeth rydym yn gweithio'n galed i'w atal - dim ond un enghraifft yw'r ymgyrch hon o'r mentrau sydd gennym ar waith i fynd i'r afael â'r mater hwn."

Os gwelwch unrhyw beth amheus ar y rhwydwaith rheilffyrdd, gallwch anfon neges destun at BTP ar 61016 neu ffonio 0800 40 50 40. Fel arall, gallwch ffonio Crimestoppers yn ddienw ar 0800 555 111.