Ymchwiliad wedi'i lansio yn dilyn marwolaeth gweithiwr rheilffordd - Eastleigh

Diweddariad ar 2 Rhagfyr:Er nad yw wedi cael ei adnabod yn ffurfiol eto, mae swyddogion yn credu'n drist mai’r dyn a fu farw ywKevin Mauger, 53, o Eastleigh. Byddwch gystal â pharchu preifatrwydd ei deulu yn ystod yr amser anhygoel o anodd hwn.

Mae ditectifs yn Heddlu Trafnidiaeth Prydeinig wedi lansio ymchwiliad i farwolaeth gweithiwr rheilffordd yn Eastleigh ddoe (30 Tachwedd). 

Galwyd swyddogion i Depo Rheilffordd Eastleigh am 2.50pm yn dilyn adroddiadau bod gweithiwr rheilffordd wedi cael ei anafu wrth ddefnyddio darn o beirianwaith.

Mynychodd parafeddygon hefyd, serch hynny, er gwaethaf eu hymdrechion gorau, yn anffodus cafodd dyn 53 oed ei gyhoeddi’n farw yn y fan a’r lle.

Hysbyswyd ei deulu.

Arestiwyd dyn yn ei bedwardegau mewn cysylltiad â’r digwyddiad yn y fan a’r lle ac aethpwyd ag ef i ddalfa’r heddlu i’w holi. Mae bellach wedi cael ei ryddhau dan ymchwiliad.

Ar hyn o bryd mae swyddogion yn gweithio ochr yn ochr â'r Weithrediaeth Iechyd a Diogelwch i sefydlu'r amgylchiadau llawn y tu ôl i farwolaeth y gweithiwr rheilffordd.

Dywedodd y Ditectif Brif-aolygydd Paul Langley:“Mae hwn yn ddigwyddiad trasig ac mae ein cydymdeimlad dwysaf â theulu’r dyn sy’n cael cefnogaeth swyddogion sydd wedi’u hyfforddi’n arbennig.

“Mae ymchwiliad llawn a thrylwyr i’r digwyddiad bellach ar y gweill, ochr yn ochr â’r Weithrediaeth Iechyd a Diogelwch, er mwyn sefydlu’n union beth ddigwyddodd i arwain at farwolaeth drist y gweithiwr rheilffordd hwn.

"Hoffwn apelio i unrhyw un sy'n credu bod ganddyn nhw wybodaeth ddefnyddiol gysylltu â ni trwy anfon neges destun at 61016 neu ffonio 0800 40 50 40 gan ddyfynnu'r cyfeirnod 229 o 30 Tachwedd."