Arf tanio a chyllyll wedi'u hatafaelu yng ngweithrediad Llinellau Cyffuriau Heddlu Trafnidiaeth Prydeinig - Caint

Atafaelwyd arf tanio a guddiwyd mewn bocs pizza, dwy gyllell a chyfres o gyffuriau Dosbarth A fel rhan o ymgyrch deuddydd Tasglu Llinellau Cyffuriau a gynhaliwyd ar draws Caint yr wythnos diwethaf mewn partneriaeth â Heddlu Caint.
Fe wnaeth swyddogion o'r tasglu elitaidd amharu ar gyflenwad cyffuriau ar draws y sir pan wnaethon nhw adleoli mewn gorsafoedd gan wneud arestiadau lluosog.
Arestiwyd wyth o bobl fel rhan o'r ymgyrch am droseddau cyffuriau.
Mewn un digwyddiad amlwg gwelodd swyddogion lanc yn ymddwyn yn amheus wrth iddo nesáu at yr orsaf.
Aethon nhw ar ei ôl ac ar ôl ei gadw fe'i chwiliwyd a daethpwyd o hyd i swm o ganabis ac arian parod arno.
Arestiwyd y bachgen 16 oed wedi hynny am fod â chyffuriau Dosbarth B yn ei feddiant gyda’r bwriad o gyflenwi cyffuriau Dosbarth B ond yn ystod chwiliad o’i ystafell wely fe wnaeth swyddogion ddarganfod arf tanio wedi’i guddio y tu mewn i focs pizza yn ogystal â swm o gocên.
Cafodd ei gyhuddo o fod ag arf tanio yn ei feddiant, ymwneud â chyflenwi cocên ac ymwneud â chyflenwi canabis.
Cafodd tri arall eu cyhuddo wedyn:
Cafodd Edward Kpakra, 24 oed, o Lower Road, Belvedere a Matthew Simon, 28 oed, o Knights Manor Way, Dartford ill dau eu cyhuddo o fod ag eitem llafnog yn eu meddiant.
Cafodd Kelly Aghedo, 18 oed, o Latham Road, Bexleyheath ei chyhuddo o fod yn ymwneud â chyflenwi cyffuriau Dosbarth A
Dywedodd Ditectif Arolygydd Heddlu Trafnidiaeth Prydeinig Ian Henderson a arweiniodd yr ymgyrch: “Dyma stori lwyddiant arall eto i’r cyhoedd sy’n defnyddio’r rheilffordd a’r cymunedau y maent yn byw ynddynt ag arfau peryglus yn cael eu tynnu oddi ar y strydoedd yn ogystal â nifer sylweddol o gyffuriau.
“Mae arbenigedd ein Tasglu Llinellau Cyffuriau sy’n gweithio mewn partneriaeth â heddluoedd lleol yn sicrhau bod ein hadnoddau’n cael eu targedu at ardaloedd lle mae unigolion yn pedlo cyffuriau ac arfau ar y rhwydwaith rheilffyrdd.
“Roedd hon yn ymgyrch amlwg iawn i atal ac amharu ar droseddoldeb ar y rheilffordd ond rydyn ni’n gweithio bob awr o’r dydd a’r nos ledled y wlad. Does dim rhaid i chi ein gweld ni i wybod ein bod ni yno.”