Cyffuriau wedi'u hatafaelu yn ystod ymgyrch heddlu Trafnidiaeth Prydeinig

Cafodd heroin, crac cocên a ketamine eu hatafaelu mewn ymgyrch ar y cyd gan yr heddlu yng ngorsaf Macclesfield ar ddydd Gwener.

Fe wnaeth Heddlu Trafnidiaeth Prydeinig, gan weithio ochr yn ochr â Heddlu Swydd Gaer, gynnal chwiliadau stopio a arweiniodd at arestio tri o bobl am feddiant gyda’r bwriad o gyflenwi.

Cafodd menyw 40 oed ei chyhuddo o ddau gyhuddiad o fod â meddiant gyda’r bwriad o gyflenwi ar ôl darganfod bod heroin a chrac cocên yn ei meddiant.

Mae dyn 31 oed a oedd yn cario nifer o dabledi, powdr gwyn a chanabis ynghyd â pharaffernalia cyffuriau a menyw 31 oed oedd â swm o ketamine yn ei meddiant wedi’u harestio ac maen nhw wedi’u rhyddhau ar fechnïaeth.

Cafodd dyn 30 oed ei riportio ar gyfer gwŷs am fod â chanabis yn ei feddiant.

Fe wnaeth swyddogion dillad plaen ynghyd â chi cyffuriau BTP fynychu'r orsaf fel rhan o ymgyrch yn erbyn cludo cyffuriau trwy'r rhwydwaith rheilffyrdd.

Dywedodd Rhingyll Andy Platt o Heddlu Trafnidiaeth Prydeinig, a drefnodd yr ymgyrch: “Mae gweithio’n agos gyda’r Rhingyll Bassirat a Thîm Plismona Heddlu Cymdogaeth Swydd Gaer yn golygu ein bod ni’n gallu rhannu gwybodaeth a chyfuno ein hadnoddau sylweddol i atal troseddu ar y rheilffordd.

“Nod yr ymgyrch yw sicrhau bod y rhai sy’n cario cyffuriau ar y rhwydwaith rheilffyrdd yn gwybod ein bod bob amser un cam ar y blaen - byddwn ni yno pan fyddan nhw yn ei ddisgwyl leiaf. Byddwn ni'n eu harestio, yn atafaelu eu cyffuriau ac yn eu dwyn gerbron y llysoedd."

Dywedodd Rhingyll Matt Bassirat: “Nod yr ymgyrch yn Macclesfield ochr yn ochr â’n cydweithwyr o Heddlu Trafnidiaeth Prydeinig oedd targedu troseddwyr sy’n gwerthu cyffuriau yn ein cymunedau ac yn cario arfau.

“Nid oes gan droseddoldeb ffiniau a bydd y grwpiau hyn yn gwneud popeth o fewn eu gallu i wneud enillion troseddol trwy ecsbloetio’r rhai mwyaf bregus yn ein cymdeithas. Drwy weithio gyda’n gilydd rydym hefyd yn dangos nad oes gennym ninnau hefyd ffiniau ac y byddwn ni'n parhau i weithio gyda’n gilydd i gael gwared ar y rhai sy’n ymwneud â chyflenwi cyffuriau.”