Uned gŵn Heddlu Trafnidiaeth Prydeinig yn synhwyro troseddwyr yn y gogledd

Mae recriwtiaid cïol newydd i Uned Ogleddol Heddlu Trafnidiaeth Prydeinig yn profi bod y trwyn bob amser yn gwybod.

Mae PD Ben wedi cynorthwyo ag arestiadau amrywiol ar gyfer dwyn cebl a graffiti ar draws Glannau Mersi a Swydd Gaer yn ogystal ag ateb galwadau ynghylch pryder am les a chwilio am bobl sy'n agored i niwed.

Mynychodd Ben a'i drafodwr PC Dan Worthington adroddiadau o ladrad cebl a oedd yn dal i ddigwydd lle roedd dau unigolyn dan amheuaeth wedi dringo dros ffens i iard gaeedig. Rhedodd y ddau ddyn i ffwrdd pan welsant Ben. Chwiliodd Ben yr iard a dangosodd i'w drafodwr lle'r oedd un dyn dan amheuaeth yn cuddio.

Ddim yn barod i roi'r gorau i'r gwaith eto, yna rhybuddiodd Ben ei gydweithwyr am guddfan yr ail ddyn dan amheuaeth. Arestiwyd y ddau ddyn ar amheuaeth o ddwyn.

Fe wnaeth PD Roxy ynghyd â PD Ben hefyd helpu swyddogion i weithredu gwarant ym Manceinion. Fe wnaethant atal y dyn dan amheuaeth rhag gadael yr eiddo a lleolwyd gwerth cannoedd o filoedd o bunnoedd o offer a pheirianwaith  a oedd wedi'u dwyn.

Galwyd PD Benni a’i drafodwr PC Phil Healy i gynorthwyo cydweithwyr yng Nglannau Mersi i ymateb i ddyn a oedd wedi bod yn ymosodol i griw trên ac a oedd yn tresmasu ar y trac.

Wrth i swyddogion geisio dod yn agos at y dyn cododd falast a'i daflu atynt ond cyn gynted ag y gwelodd Benni cydymffurfiodd yn gyflym a chafodd ei gadw gan swyddogion.

Wrth gynnal patrolau prif reilffordd arferol ar Arfordir y Gorllewin cynorthwyodd PD Kooper a'i drafodwr PC Karl Harvey ar ôl i aelod o staff gael ei fygwth yng ngorsaf Runcorn. Gyda'i gilydd, fe wnaethant lwyddo i ddod o hyd i'r troseddwr a'i gadw.

Dywedodd yr Arolygydd Lisa jones: “Mae'r cŵn yn rhan hanfodol o'r gwaith rydym yn ei wneud i atal troseddu ac amddiffyn y cyhoedd. Fel mae'r canlyniadau hyn yn ei ddangos, mae'r cŵn yn ased plismona gwerthfawr ac yn rhan annatod o dîm yr heddlu na allem ymdopi hebddi. Mae'r cŵn yn ffurfio cysylltiad agos na ellir ei dorri â'u tradodwr; gallant synhwyro hwyliau eu cydweithiwr dynol a hyd yn oed ymateb yn union fel y byddai cydweithiwr rheolaidd.”

Heddlu Trafnidiaeth Prydeinig oedd y llu cyntaf yn y wlad i gyflogi ffrind gorau dyn yn y frwydr yn erbyn troseddu.

Mae'r adran cŵn yn un o'r mwyaf ym Mhrydain â mwy na 50 o gŵn sy'n cael eu defnyddio ar gyfer plismona cyffredinol, yn ogystal â chanfod cyffuriau a ffrwydron.

Mae gan lawer o drafodwyr cŵn fwy nag un ci ac mae gan rai cŵn ddau ddiben.

Mae'r cŵn yn dod o amrywiaeth o gefndiroedd ac maent yn byw gyda'u trafodwyr.