Pob llygad arnoch y Nadolig hwn - Neges o sicrwydd gan Heddlu Trafnidiaeth Prydeinig i deithwyr

Wrth i'r cyfrif i'r Nadolig barhau, mae Heddlu Trafnidiaeth Prydeinig allan mewn grym, yn edrych allan amdanoch chi ac yn eich cadw'n ddiogel, 24/7.

Ac i'r rhai sy'n bwriadu defnyddio'r rheilffordd gyda bwriad troseddol - byddai'n well i chi fod yn wyliadwrus ... Rydyn ni'n dod ar eich ôl chi.

Bydd swyddogion yn gweithio ar draws y rhwydwaith gyda mwy o batrolau amlygrwydd yn ogystal â nifer o offer eraill yn ein stordy i ymladd yn erbyn troseddu.

Bydd swyddogion cudd yn chwilio am ladron pocedi sy'n ffynnu mewn amgylcheddau prysur ac yn annog teithwyr i gadw llygad ar eu heiddo ar drenau ac mewn gorsafoedd.

Byddwn hefyd yn edrych allan am unrhyw ddigwyddiadau o ymddygiad rhywiol gwrthgymdeithasol a digroeso, gan annog y cyhoedd i lawrlwytho ap newydd Railway Guardian ac i rriportio unrhyw beth sy'n eu poeni drwy'r ap neu drwy ein rhif testun 61016 cynnil.

Dywedodd yr Uwch Arolygydd Lorna McEwan: "Gyda llai o drenau'n rhedeg dros yr ŵyl oherwydd gweithredu diwydiannol, mae disgwyl i'r gwasanaethau fod yn eithriadol o brysur felly cynlluniwch eich taith orau y gallwch chi.

"Mae pawb yn chwarae rhan wrth gadw'r rheilffordd yn ddiogel ac mae llygaid a chlustiau'r cyhoedd a staff y rheilffyrdd sy'n teithio yn arf hanfodol, drwy riportio unrhyw beth sydd ddim yn teimlo'n iawn.

"Mae ap y Railway Guardian yn helpu'r cyhoedd i riportio troseddau i BTP. Drwy'r ap, gall y cyhoedd decstio 61016 neu riportio drwy wefan BTP.

"Yr adeg yma o'r flwyddyn mae pawb yn teimlo'r pwysau, mae pawb ar frys, ry'n ni i gyd dan straen ond mae'n bwysig cofio ein bod ni gyd yn yr un sefyllfa, felly plîs byddwch yn amyneddgar a chael parch at ein gilydd, yn enwedig staff y rheilffyrdd.

"Mae ein hymgyrch Nadolig i gyd yn ymwneud â sicrhau eich bod yn cael Nadolig hapus; trwy atal troseddu fel bod y rheilffordd yn parhau i fod yn lle diogel i deithio, yn ogystal â rhoi sicrwydd a chyngor diogelwch i deithwyr.

"Gadewch i ni weithio gyda'n gilydd er mwyn i ni oll gael Nadolig heddychlon a diogel."