Apêl am dystion ar ôl i ddau ddyn gael eu hanafu’n ddifrifol yng Ngorsaf Danddaearol Kennington

Am 10.37PM ar 27 Mawrth 2024, derbyniodd Heddlu Trafnidiaeth Prydeinig adroddiadau bod aelod o’r cyhoedd yn cael ei drywanu ar blatfform tua’r gogledd gorsaf Kennington. 

Mynychodd swyddogion ochr yn ochr â chydweithwyr o'r Heddlu Metropolitanaidd. Fodd bynnag, roedd y sawl dan amheuaeth wedi gadael yr ardal.

Mynychodd Gwasanaeth Ambiwlans Llundain hefyd ac aethpwyd â’r dioddefwyr a anafwyd i’r ysbyty, lle maent yn parhau mewn cyflwr difrifol ond sefydlog.

Ni chredir bod y digwyddiad yn gysylltiedig â digwyddiad trywanu yng Nghyffordd Beckenham yn gynharach ar yr un diwrnod.

Mae ditectifs yn cynnal ymholiadau helaeth ac yn annog unrhyw un sydd â gwybodaeth i ddod ymlaen. Nid oes unrhyw arestiadau wedi'u gwneud.

Dywedodd yr Uwch Swyddog Ymchwilio, y Ditectif Arolygydd Paul Attwell,

“Rydym yn deall y bydd pobl yn poeni ynghylch yr ymosodiad disynnwyr hwn.

Mae ein timau wedi bod yn gweithio drwy gydol y nos, gyda chymorth lluniau TCC, gwaith fforensig ac adroddiadau manwl gan dystion yn y lleoliad.

Rydym yn credu bod un o’r dioddefwyr wedi’i anafu ar ôl camu i’r adwy yn ddewr i geisio atal yr ymosodiad.

Os oes gennych wybodaeth a allai ein helpu, rydym yn eich annog i gysylltu â BTP drwy decstio 61016 neu drwy ffonio 0800 40 50 40, gan ddyfynnu'r cyfeirnod 728 o 27 Mawrth.

Fel arall, gallwch ffonio Crimestoppers yn ddienw ar 0800 555 111.”