Apêl am dystion ar ôl ymosodiad a throsedd trefn gyhoeddus ddifrifol ar y gwasanaeth tiwb – Llundain

A welsoch chi'r digwyddiadau hyn?

Mae swyddogion yn apelio i dystion ddod ymlaen yn dilyn ymosodiad a chyfres o droseddau trefn gyhoeddus a gyflawnwyd gan dri o bobl ar wasanaeth Jubilee Line.

Ddydd Sadwrn 2 Rhagfyr am oddeutu 4.30pm riportiwyd bod menyw feichiog yn eistedd ar fwrdd y gwasanaeth pan ddechreuodd dau o'r tri o bobl chwythu mwg fêp yn ei hwyneb. Ar ôl iddi ofyn iddyn nhw stopio, fe wnaethon nhw ei bygwth hi a'i babi. Wrth i'r fenyw feichiog fynd i adael, fe wnaethon nhw geisio ei baglu hi.

Yna dechreuodd y grŵp wneud sylwadau hiliol tuag at fenyw, y credir ei bod yn Asiaidd, yn ogystal â bygwth dwyn ei siopa.

Yn dilyn hyn, fe ddechreuon nhw wneud sylwadau difrïol tuag at deithiwr arall a dangos ystumiau bygythiol i'w ffrind. Wrth iddyn nhw adael y gwasanaeth yng ngorsaf St John’s Wood, fe wnaeth un o’r tri ddyrnu’r ffrind yn ei phen.

Yn ddiweddarach, am oddeutu 4.45pm, riportiwyd bod dioddefwr arall ar y gwasanaeth Jubilee Line yn mynd i Orsaf Dollis Hill pan ddaeth tri o bobl atynt - y credir eu bod yr un bobl - a gafaelodd un ohonynt yn ffôn y dioddefwr a honni ei fod eu ffôn nhw nawr.

Fe wnaethon nhw barhau i aflonyddu ar y dioddefwr a cheisio ei rhwystro rhag gadael y trên. Llwyddodd hi i ddianc a ffonio 999, ac ar yr adeg honno fe wnaeth y tri dan amheuaeth adael y gwasanaeth, ag un ohonynt yn poeri ar wyneb y ddioddefwraig wrth iddynt adael y trên.

Dywedir eu bod wedi gadael y gwasanaeth yn Neasden am 4.51pm.

Gofynnir i unrhyw un sydd â gwybodaeth am y digwyddiad hwn gysylltu â BTP drwy ffonio 0800 40 50 40 neu decstio 61016, gan nodi’r cyfeirnod 2300145379.

Fel arall, gallwch ffonio Crimestoppers yn ddienw ar 0800 555 111.