Delweddau TCC wedi’u rhyddhau ar ôl ffrwgwd fawr – Preston

Ydych chi'n adnabod y dynion hyn?
Mae ditectifs wedi rhyddhau delweddau o bedwar dyn maen nhw’n credu y gallen nhw eu cynorthwyo gyda’u hymchwiliad parhaus i anhrefn treisgar ar drên o Ogledd Blackpool i Faes Awyr Manceinion.
Ar ddydd Sadwrn 11 Mai am oddeutu 9.45pm cychwynnodd ffrwgwd dorfol ar drên disymud a oedd wedi tynnu i mewn i orsaf Preston gyda theithwyr yn dyrnu, rhegi a bygwth ei gilydd ac a adawodd sawl person yn gwaedu o'u hanafiadau.
Roedd nifer o blant ifanc hefyd ar y trên ac yn amlwg yn ofidus gan yr hyn a welson nhw.
Hoffai swyddogion siarad â'r dynion yn y delweddau gan y credir y gallai fod ganddynt wybodaeth a allai helpu'r ymchwiliad.
Gall unrhyw un sy'n eu hadnabod neu sydd ag unrhyw wybodaeth gysylltu â BTP trwy decstio 61016 neu ffonio 0800 40 50 40 gan ddyfynnu’r cyfeirnod 807 o 11 Mai.
Fel arall, gallwch ffonio Crimestoppers yn ddienw ar 0800 555 111.