Sut i ddefnyddio ein rhif tecstio

Sut i ddefnyddio ein rhif tecstio: Holi ac Ateb

Gallwch ein tecstio ar 61016i ddweud wrthym am ddigwyddiadau nad ydynt yn rhai brys. Mewn argyfwng deialwch 999 bob amser.

Pa wybodaeth ddylwn i ei chynnwys yn fy neges testun?

Dywedwch wrthym am natur y digwyddiad, y lleoliad a'r amser. Er enghraifft, ‘Dyn difrïol ar wasanaeth 7pm Sutton Coldfield i Birmingham New Street. Roedd yn bygwth pobl, ac yna gadawodd y trên yn Birmingham New Street.

A fyddaf yn cael ateb?

Byddwch yn derbyn testun i gadarnhau bod eich neges wedi'i derbyn. Yna byddwn yn dilyn ymlaen ac yn gofyn am ragor o wybodaeth os bydd angen, neu'n rhoi gwybod i chi pa gamau sy'n cael eu cymryd neu a gymerwyd mewn ymateb i'ch testun.

A fyddwch yn fy ffonio yn ôl?

Ni fyddwn yn eich ffonio oni bai ein bod wedi cytuno ar hynny gyda chi ymlaen llaw.

Faint fydd yn ei gostio i decstio?

Efallai y bydd eich darparwr gwasanaeth symudol yn codi tâl bach i decstio 61016. Bydd yr union gost yn dibynnu ar eich rhwydwaith a'ch tariff.

A yw'r rhif tecstio'n ddienw?

Ydy, gallwch anfon neges destun atom yn ddienw os dymunwch. Nid oes rhaid i chi gynnwys eich enw nac unrhyw fanylion adnabod yn eich testun.

A fyddwch yn cgeisio fy adnabod o fy rhif?

Ni fyddwn yn cynnal gwiriadau tanysgrifwyr fel mater o drefn i ddarganfod pwy ydych chi os ydych wedi anfon testun yn ddienw, fodd bynnag, efallai y bydd adegau pan fydd hyn yn angenrheidiol.

A allaf eich tecstio mewn argyfwng?

Mewn argyfwng ffoniwch 999bob amser. Mae'r rhif tecstio 61016 yn cael ei fonitro 24/7 ond nid oes unrhyw sicrwydd y derbynnir eich testun mewn pryd, felly ni ddylech ei ddefnyddio i alw am gymorth mewn argyfwng..

Beth am mewn lleoedd lle nad oes signal ffôn, fel ar y Underground [Tanddaearol]?

Yn yr achosion hyn, mae dulliau eraill o gysylltu â ni:

• Mewn argyfwng, dylech ddefnyddio'r dolenni brys ar drenau a phwyntiau cymorth ar blatfformau gorsafoedd, neu siarad ag aelod o staff neu heddwas. Os ydych yn teithio trwy orsaf sydd â wifi gallwch hefyd anfon e-bost atom yn [email protected].
• Os nad yw'n argyfwng, dylech aros nes bod gennych signal cyn ein tecstio ni.
• Mewn unrhyw sefyllfa, gallwch bob amser siarad ag aelod o staff y rheilffordd neu heddwas. 

Dysgwch ragor am pryd i ffonio 999.

Beth fydd yn digwydd os byddaf yn riportio argyfwng trwy neges destun?

Bydd y negeseuon testun yn cael eu monitro 24/7, fodd bynnag oherwydd na allwn warantu y derbynnir testunau ar unwaith ni fyddwn yn gwybod a yw'r argyfwng yn gyfredol a/neu'n barhaus.  Wrth gwrs byddwn yn anfon swyddogion i ymateb pan yw'n briodol ond dylech ddefnyddio 999bob amser mewn argyfwng.

Beth fydd yn digwydd os byddaf yn riportio trosedd nad yw ar y rhwydwaith reilffyrdd?

Mae gennym brosesau ar waith i sicrhau bod ein cydweithwyr mewn lluoedd eraill yn cael eu hysbysu o unrhyw beth sy'n cael ei riportio i ni trwy gamgymeriad. Rydym eisoes yn gwneud hyn â galwadau ffôn a negeseuon e-bost. 

Pwy sy'n delio â negeseuon testun a anfonir at 61016?

Mae'r testunau'n cael eu monitro 24/7, 365 diwrnod y flwyddyn gan ein Canolfan Cyswllt Cyntaf yn Birmingham.

A allaf anfon delweddau?

Na allwch, ni allwn dderbyn delweddau trwy'r rhif testun hwn.

A allaf anfon clipiau fideo neu sain?

Na allwch. Yn anffodus nid ydym yn gallu derbyn delweddau symudol na sain. Fodd bynnag, os yw pobl yn dal digwyddiadau ar eu ffôn gallwn drefnu i gasglu'r lluniau fel rhan o'r broses casglu tystiolaeth neu gellir eu e-bostio at [email protected]

Mae rhif eisoes ar gyfer y Tîm Teithio Diogelach yng Ngorllewin Canolbarth Lloegr: pa rif ddylwn i ei ddefnyddio?

Os ydych yn ardal Centro, gallwch riportio digwyddiadau nad ydynt yn rhai brys ar y rheilffordd neu'r Metro gan ddefnyddio'r gwasanaeth tecstio 61016 neu drwy ffonio 0800 40 50 40.

Beth am fathau eraill o negeseuon, megis iMessage neu WhatsApp?

Gwasanaeth negeseuon testun yn unig yw hwn. Yn anffodus nid ydym yn cefnogi cymwysiadau negeseuon gwib eraill ar hyn o bryd. Fodd bynnag, gallwch anfon e-bost atom yn [email protected] neu ein ffonio ar 0800 40 50 40os nad ydych am ein tecstio.