Sut i wneud galwad 999 dawel

Os ydych mewn perygl, ffoniwch 999 a cheisiwch siarad â’r teleffonydd, hyd yn oed drwy sibrwd. Efallai y gofynnir i chi besychu neu wasgu digidau eich ffôn i ateb cwestiynau.

Ffonio 999 o ffôn symudol

Os na fyddwch chi’n siarad neu'n ateb cwestiynau, pwyswch 55 neu tapiwch pan fydd y cysylltwr yn gofyn a chaiff eich galwad ei throsglwyddo i'r heddlu.

Bydd yr heddlu'n gallu ffeindio’ch lleoliad chi fel arfer.

Os na fyddwch chi’n pwyso 55 neu'n ymateb, fe allai’ch galwad ddod i ben.

Ffonio 999 o linell dir

Os nad ydych yn siarad neu’n ateb cwestiynau a bydd y teleffonydd ond yn clywed synau cefndir, bydd yn trosglwyddo eich galwad i’r heddlu.

Os byddwch yn rhoi’r darn llaw yn ôl yn ei grud, efallai y bydd y llinell dir yn parhau wedi'i chysylltu am 45 eiliad rhag ofn eich bod yn ei godi eto.

Mae ffonio 999 o linell dir yn rhoi gwybodaeth i’r heddlu am eich lleoliad yn awtomatig.