Croesfannau rheilffyrdd
Mae dros 7,000 o groesfannau rheilffyrdd ar draws rhwydwaith rheilffyrdd y Deyrnas Unedig.
Mae sawl math gwahanol o groesfan reilffordd. Mae ein neges ddiogelwch yn aros yr un fath waeth pa fath rydych chi'n ei ddefnyddio. Byddwch yn gall a sylwch ar yr arwyddion rhybuddio.
- Wrth nesáu at y groesfan, byddwch yn barod i stopio y tu ôl i'r llinell wen os bydd y goleuadau'n dechrau fflachio.
- Dim ond pan fydd y rhwystrau wedi’u codi'n llawn a phan fydd y goleuadau wedi’u diffodd, neu pan fydd gweithredwr yn rhoi caniatâd i chi y cewch chi groesi.
- Os yw'r goleuadau coch yn dal i fflachio ar ôl i drên fynd heibio, arhoswch – mae trên arall yn dod.
- Os daw'r golau ambr ymlaen tra byddwch ar y groesfan yna mae'n rhaid ichi ddal ati i fynd.
- Peidiwch byth â bacio i groesfan reilffordd na bacio drosti.
- Cadwch blant gyda chi bob amser yn agos at groesfan reilffordd.
- Cadwch gŵn ar dennyn.