Beth i'w wneud os ydych chi’n anfodlon ar ganlyniad eich cwyn

Yn yr adran hon:

1. Yr hyn y gallwch chi gwyno amdano

2. Sut i gwyno am yr heddlu

3. Beth sy'n digwydd i'ch cwyn

4. Beth i'w wneud os ydych chi’n anfodlon ar ganlyniad eich cwyn

Gallwch chi wneud cais am hawl i gael adolygiad os ydych chi’n anfodlon ar ganlyniad eich cwyn neu'r ffordd y cafodd ei trin.

Pwy sy'n cynnal adolygiadau?

Cynhelir adolygiadau o gwynion yng Nghymru a Lloegr naill ai gan Awdurdod Heddlu Trafnidiaeth Prydain (BTPA), neu Swyddfa Annibynnol Ymddygiad yr Heddlu (IOPC) mewn achosion difrifol.

Cynhelir adolygiadau o gwynion sy’n tarddu o’r Alban gan Gomisiynydd Ymchwilio ac Adolygu’r Heddlu (PIRC).

Sut byddwch chi’n cael gwybod am eich hawl i adolygiad

Byddwch chi’n cael gwybod am eich hawl i adolygiad a pha gorff mae'n rhaid ichi wneud cais iddo yn eich llythyr canlyniadau. Byddwn yn anfon y llythyr hwn atoch ar ôl inni gwblhau'r ymchwiliad i'ch cwyn.

Mae angen ichi wneud cais am adolygiad o fewn 28 diwrnod ar ôl cael y llythyr canlyniadau neu fydd eich cais ddim yn cael ei dderbyn, oni bai bod amgylchiadau eithriadol ynglŷn â’r oedi.

Gall fod achlysuron pan nad oes gennych chi hawl i adolygiad, er enghraifft, os na wnaeth y digwyddiad rydych chi’n cwyno amdano effeithio'n uniongyrchol arnoch chi.

Bydd hyn yn dibynnu ar amgylchiadau pob cwyn ac yn cael ei esbonio yn eich llythyr canlyniadau.

Os oes arnoch chi angen rhagor o gyngor

Os nad ydych yn siŵr beth i’w wneud nesaf neu os oes angen rhagor o wybodaeth arnoch, cysylltwch â’r BTPA, yr IOPC, PIRC neu sefydliad megis eich Canolfan Cyngor ar Bopeth leol. Gallwch hefyd siarad â chynghorydd cyfreithiol.