Heddlu Trafnidiaeth Prydeinig yn Atafaelu Cyffuriau Gwerth £30,000 yng Ngorsaf Waverley Caeredin

Mae Heddlu Trafnidiaeth Prydeinig (BTP) wedi atafaelu cyffuriau gwerth amcangyfrif o £30,000 yng Ngorsaf Waverley Caeredin.

Cymerodd swyddogion BTP ran mewn ymgyrch wedi’i thargedu yng ngorsaf Waverley Caeredin yr wythnos diwethaf fel rhan o Dasglu Llinellau Cyffuriau BTP i fynd i’r afael â chyffuriau ar y rhwydwaith rheilffyrdd.

Fe wnaeth y swyddogion, yr ymunwyd â nhw gan Heddlu’r Alban hefyd, atafaelu'r cyffuriau ar ddydd Mercher 9 Rhagfyr pan arestiwyd dau ddyn 40 a 46 oed am ymwneud â chyflenwi cyffur a reolir yn Waverley Caeredin. Yn dilyn chwiliad, daethpwyd o hyd i Ganabis â gwerth stryd amcangyfrifedig o oddeutu £30,000. Cafodd y ddau ddyn eu dal yn y ddalfa ac ymddangoson nhw yn Llys Sirol Caeredin ddydd Iau diwethaf.

Dywedodd Rhingyll y BTP David Ferguson:“Rydym wedi bod yn cyflawni ymgyrchoedd llwyddiannus yn yr Alban trwy weithio mewn partneriaeth â Heddlu’r Alban i sicrhau bod y rheilffordd yn parhau i fod yn ffordd ddiogel iawn o deithio. Mae'r canlyniad hwn yn dangos sut rydym wedi bod yn gweithio i leihau cyflenwad a meddiant cyffuriau ar y rhwydwaith rheilffyrdd.”