Cadwch draw o'r cledrau - rhybudd brys gan Heddlu Trafnidiaeth Prydeinig

Mae Heddlu Trafnidiaeth Prydeinig yn annog pobl ifanc yn ardal Barnsley i feddwl am ganlyniadau loetran o amgylch cledrau rheilffordd ar ôl cynnydd mewn digwyddiadau tresmasu.

 

Mae swyddogion yn cynyddu patrolau yn yr ardal ond maent yn ofni mai dim ond mater o amser y gallai fod cyn i rywun gael ei frifo'n ddifrifol neu'n waeth.

 

Dywedodd yr Uwcharolygydd Alison Evans o Heddlu Trafnidiaeth Prydeinig: “Gall tresmasu ar y rheilffordd arwain at ganlyniadau difrifol a all newid bywyd i’r unigolyn, ei anwyliaid a’r gymuned ehangach. Gwnewch yn siŵr eich bod yn gwybod y pethau sylfaenol ynghylch diogelwch rheilffordd ac yn trosglwyddo'r wybodaeth honno i'ch anwyliaid. Arweiniwch drwy esiampl a chadwch draw o'r cledrau.”

 

Ychwanegodd y Rhingyll Rob Pile: “Mae rhieni a gofalwyr yn chwarae rhan hanfodol wrth atal trasiedi a achosir gan dresmasu trwy sicrhau eu bod yn gwybod ble mae eu plant a siarad â nhw am beryglon tresmasu. Felly, cynhaliwch y sgwrs honno gyda'r rhai yn eich gofal a'u hannog i gadw draw o'r cledrau."

 

Dywedodd Olly Glover, Pennaeth Diogelwch, Iechyd a’r Amgylchedd ar gyfer llwybr Gogledd a Dwyrain Network Rail: “Mae gwir angen rhieni yn Barnsley ac ar draws y rhanbarth i siarad â’u phlant a morthwylio adref y peryglon o fynd ar y cledrau.

 

“Rydyn ni'n gweld gormod o ddigwyddiadau lle mae'n ymddangos bod pobl yn hollol anghofus i'r peryglon maen nhw'n eu rhoi eu hunain ynddynt. Nid yw hi byth yn ddiogel i hongian o gwmpas ar y rheilffordd na'i ddefnyddio fel llwybr byr. Ni all trenau stopio’n gyflym na symyd allan o’r ffordd a gall y canlyniadau newid bywyd neu gall fod yn angheuol. ”

 

Cafodd yr ymgyrch You vs Train ei chreu yn haf 2018 gan Heddlu Trafnidiaeth Prydeinig a Network Rail.

 

Mae ffilm newydd - Parallel Lines - wedi cael ei lansio i gael plant a phobl ifanc i feddwl nid yn unig am y canlyniadau dinistriol y gall eu gweithredoedd eu cael arnyn nhw a'u hanwyliaid, ond y niwed ehangach, cudd weithiau a achosir i'r gymuned, yn benodol staff y rheilffordd. 

 

Mae’r ffilm wedi’i ffrydio i ysgolion fel rhan o ddarllediad diogelwch y rheilffyrdd gan bartner addysg Network Rail - LearnLive. Mae rhagor o wybodaeth, gan gynnwys sut i gofrestru ar gyfer y darllediad, ar gael ar learnliveuk.com

 

Gellir dod o hyd i wybodaeth am beryglon tresmasu ar y rheilffyrdd a ffilm newydd yr ymgyrch yn youvstrain.co.uk

 

Negeseuon pwysig i rieni a gofalwyr eu rhannu â phlant:

 

• Nid yw'r rhwydwaith rheilffyrdd byth yn cael ei ddiffodd. Mae trydan yn pweru'r ceblau uwchben a'r drydedd reil 24 awr y dydd, saith diwrnod yr wythnos.

 

• Nid yw'r rhwydwaith rheilffyrdd yn mynd i gysgu unwaith y bydd y gwasanaethau teithwyr diwethaf wedi rhedeg. Mae trenau cludo nwyddau yn rhedeg trwy'r nos.

 

• Peidiwch byth â rhagweld eich bod yn gwybod pryd disgwylir y trên nesaf. Bydd y nifer llai o drenau teithwyr sy'n rhedeg ar y rhwydwaith yn ystod y dydd yn caniatáu i fwy o wasanaethau cludo nwyddau weithredu yn ystod oriau'r dydd, gan gludo nwyddau hanfodol ledled y wlad. Gall trên cludo nwyddau deithio hyd at 100mya.