Teithio'n ddiogel ar y rheilffyrdd

Rheilffyrdd yw'r math mwyaf diogel o deithio ym Mhrydain.

Am bob miliwn o siwrneiau ar y rheilffordd, dim ond 16 o droseddau sy'n cael eu cofnodi. Mae'r siawns y byddwch chi’n dioddef trosedd wrth ddefnyddio'r rheilffordd yn eithriadol o isel.

Ond os oes angen, gallwch gysylltu â Heddlu Trafnidiaeth Prydeinig (BTP) drwy anfon neges destun at 61016. Mae hyn yn arbennig o ddefnyddiol mewn sefyllfa pan nad ydych am wneud galwad neu os ydych yn methu gwneud galwad. Cadwch 61016 yn eich ffôn fel 'Heddlu Trafnidiaeth Prydeinig'.

Yn yr orsaf

• Riportiwch fagiau sydd heb neb yn eu goruchwylio neu ymddygiad amheus ar unwaith i swyddog heddlu, aelod o staff y rheilffyrdd, neu drwy ffonio BTP ar 0800 40 50 40 neu decstio 61016; os nad oes gennych signal ffôn ac os na allwch ddod o hyd i swyddog heddlu neu aelod o staff, defnyddiwch un o bwyntiau cymorth yr orsaf
• Byddwch yn ymwybodol o'ch amgylchoedd a chadwch eich eiddo gyda chi bob amser.
• Osgowch wrando ar glustffonau gan y gallan nhw eich atal rhag gwybod beth sy'n digwydd o'ch cwmpas.
• Yng nghyffiniau gorsafoedd rheilffordd, osgowch fannau sydd heb olau da a cheisiwch gadw o fewn golwg camerâu CCTV neu’n agos at bobl eraill.
• Dilynwch gyfarwyddiadau staff y rheilffyrdd bob amser; arhoswch y tu ôl i'r llinell felen ar y platfform a pheidiwch byth â chroesi'r cledrau.

Ar y trên

• Ar ôl codi i’r trên, dewiswch sedd mewn cerbyd lle rydych chi'n teimlo'n gyffyrddus.
• Sylwch ble mae'r larymau argyfwng a'r allanfeydd rhag ofn y bydd angen ichi eu defnyddio.
• Riportiwch fagiau sydd heb neb yn eu goruchwylio neu ymddygiad amheus ar unwaith i swyddog heddlu neu aelod o’r staff; hefyd gallwch ffonio BTP ar 0800 40 50 40 neu decstio 61016.
• Cadwch eich eiddo gyda chi bob amser neu o fewn golwg os nad yw hynny'n bosibl.
• Os ydych chi'n gadael eich sedd neu'n debygol o gysgu, cadwch eich pethau gwerthfawr gyda chi ac allan o'r golwg.
• Gwarchodwch eich preifatrwydd: gallai rhoi manylion personol ar ffôn symudol neu eu dangos ar label bagiau, dogfen neu liniadur arwain at ddwyn eich hunaniaeth neu roi gwybodaeth defnyddiol i ladron.
• Byddwch yn ofalus wrth ddefnyddio WiFi ar drên. Peidiwch ag anfon gwybodaeth breifat oni bai eich bod yn defnyddio tudalen gwe diogel (chwiliwch am https ar ddechrau cyfeiriad y tudalen gwe a chliciwch ar yr eicon clo clap i weld gosodiadau diogelwch.

Teithio yn ystod y nos

Fe ddylech chi fod mor ddiogel yn teithio ar y trên yn y nos ag ydych chi yn y dydd, ond rydym yn deall y gall hyn beri braw i rai pobl.

Mewn ymateb i alw'r cyhoedd am blismyn ar drenau yn hwyr y nos ac ar y penwythnos, mae BTP yn cynnal cyrchoedd cyson yn hwyr y nos mewn gorsafoedd ac ar wasanaethau.

Os oes arnoch angen help ar eich siwrnai yn ystod y nos, siaradwch â swyddog heddlu neu ffoniwch BTP ar 0800 40 50 40. Gallwch hefyd anfon neges destun at 61016. Cofiwch: gallwch siarad hefyd â staff y rheilffyrdd sy'n gweithio'n agos gyda'r heddlu.

Alcohol

Mae'n drosedd bod yn feddw ar drên, a gallech gael Hysbysiad Cosb am Anhrefn (PND) os ydych yn feddw neu wedi cyflawni trosedd sy'n gysylltiedig ag alcohol.

Gallwn wrthod caniatâd ichi deithio hefyd os ydych yn feddw.

Yn y maes parcio

• Os ydych chi'n parcio yn yr orsaf neu gerllaw, ceisiwch ddewis lle parcio yn agos at allanfa os byddwch yn dychwelyd yn y tywyllwch.
• Cyn gadael eich cerbyd, gofalwch ei fod wedi'i gloi'n ddiogel a'ch bod yn cymryd eich holl bethau gwerthfawr gyda chi neu'n eu cloi i ffwrdd allan o'r golwg.
• Os oes rhywun yn cwrdd â chi yn yr orsaf, gofalwch eich bod yn gwybod ble y byddan nhw’n aros. Mae gan rai gorsafoedd sawl allanfa a maes parcio.

Os byddwch yn cymryd tacsi o'r orsaf, defnyddiwch gwmnïau tacsi neu finicab ag enw da yn unig.