Paratoi pobl ifanc i deithio ar eu pen eu hunain
Byddai'n well gennym bob amser weld plant a phobl ifanc yng nghwmni oedolyn cyfrifol wrth deithio ar y rheilffordd, ond rydym yn sylweddoli y gall fod adegau pan fydd rhaid i'ch plentyn deithio ar ei ben ei hun neu gyda grŵp o ffrindiau.
Gall y rheilffordd fod yn lle peryglus. Gallwch helpu i'w paratoi. Siaradwch â nhw cyn eu siwrnai am sut i gadw'n ddiogel ar y rheilffordd ac yn agos ati a beth i'w wneud mewn argyfwng.
Cynllunio ymlaen llaw
- Ysgrifennwch fanylion y gorsafoedd gadael a chyrraedd, amser eu trenau a phwy fydd yn cwrdd â nhw, neu tecstiwch y manylion hyn atyn nhw.
- Gofalwch fod eu ffôn wedi’i wefru'n llawn a'u bod yn gwybod pwy i'w ffonio mewn argyfwng.
- Cadwch rif neges destun Heddlu Trafnidiaeth Prydain 61016 yn eu ffôn ac eglurwch eu bod yn gallu anfon neges destun at yr heddlu os bydd arnyn nhw angen help ar eu siwrnai.
- Dywedwch wrthyn nhw am ffonio 999 mewn argyfwng bob amser.
- Dysgwch nhw sut i ddefnyddio pwyntiau cymorth mewn gorsafoedd neu ar blatfformau cyn eu siwrnai.
Rheolau diogelwch
Dywedwch wrthyn nhw am wneud y canlynol:
- aros gyda’i gilydd a chadw llygad am ei gilydd os ydyn nhw mewn grŵp
- cadw draw o ymyl y platfform
- peidio byth â chyffwrdd â chledrau rheilffyrdd, cerdded ar hyd y cledrau na dilyn llwybr byr ar draws y cledrau
- gwrando'n ofalus ar gyhoeddiadau’r gorsafoedd neu’r trenau a dilyn unrhyw gyfarwyddiadau
chwilio am aelod o staff y rheilffyrdd neu swyddog heddlu a siarad â nhw os oes arnyn nhw angen help ar drên neu orsaf.