StreetSafe
Mae StreetSafe yn wasanaeth sy’n eich galluogi i roi gwybod am bryderon diogelwch mewn mannau cyhoeddus heb roi eich enw i ni (yn ddienw). Mae hyn yn cynnwys materion fel strydoedd sydd wedi'u goleuo'n wael, adeiladau wedi'u gadael, neu fandaliaeth, yn ogystal ag achosion lle rydych chi'n teimlo'n anniogel oherwydd bod rhywun yn eich dilyn neu'n eich cam-drin ar lafar.
Sylwch: Nid adnodd i riportio trosedd neu argyfwng yw StreetSafe. Os byddwch chi'n dyst i drosedd, riportiwch y peth inni ar-lein. Os nad ydych yn siŵr a yw rhywbeth yn drosedd ai peidio, darllenwch ein cyngor.
Mae enghreifftiau o sefyllfaoedd y dylid eu riportio i StreetSafe yn cynnwys lôn fach wedi'i goleuo'n wael sy'n gwneud i chi deimlo'n anniogel neu barc gydag offer wedi torri sy'n achosi perygl diogelwch.
Offeryn cyngor
StreetSafe
Cliciwch ar 'Mynd' isod i ddechrau.
Yr hyn y byddwn yn gofyn amdano:
- ble digwyddodd hyn
- pam roeddech chi'n teimlo'n anniogel, ee am eich bod wedi cael eich dilyn neu am fod y goleuadau’n wael
Byddwn yn gofyn hefyd:
- pam nad ydych chi wedi riportio’r hyn ddigwyddodd i'r heddlu
- am eich oedran, eich rhywedd, eich ethnigrwydd, eich crefydd, eich cyfeiriadedd rhywiol, a oes gennych unrhyw salwch neu anableddau
Mae'r cwestiynau hyn yn ddewisol. Does dim rhaid ichi roi'r wybodaeth hon i ni, ond os gwnewch chi hynny bydd yn ein helpu i ddeall eich profiad.
Sylwch: gan fod hyn yn ddienw, wnawn ni ddim cysylltu â chi am yr hyn sydd wedi digwydd ond mae’r wybodaeth y byddwch yn ei rhoi yn cael ei defnyddio yn y penderfyniadau plismona a wnawn ni yn eich cymdogaeth. Mae’r data’n cael ei rannu hefyd gyda swyddogion y llywodraeth sy'n gyfrifol am wneud ein strydoedd yn fwy diogel (i gael rhagor o wybodaeth am sut rydyn ni’n prosesu’ch data, gallwch ddarllen ein hysbysiad preifatrwydd).
Os byddwch yn dewis peidio â riportio hyn i ni, gofynnwch am gymorth a chefnogaeth gan y sefydliadau a'r elusennau sy'n cynnig cyngor annibynnol am ddim.