Person ifanc yn ei arddegau wedi'i ddedfrydu wedi cyfres o ladradau - De Llundain

Mae person ifanc yn ei arddegau a oedd yn gyfrifol am gyfres o ladradau ar drenau ledled De Llundain wedi'i ddedfrydu, yn dilyn ymchwiliad gan Heddlu Trafnidiaeth Prydeinig.

Ymddangoisodd y llanc 16 oed, o South Norwood, yn Llys y Goron Woolwich ar 24 Ebrill lle plediodd yn euog i bedwar cyhuddiad o ladrad, meddu ar arf ymosodol, a dwyn o siop.

Cymerwyd chwe throsedd lladrad eraill i ystyriaeth hefyd. Fe wnaeth y barnwr ei ddedfrydu i Orchymyn Cadw a Hyfforddi am ddeunaw mis.

Mae Gorchmynion Cadw a Hyfforddi'n ddedfrydau gwarchodol ar gyfer personau ifanc o dan 17 oed, sy'n cyfuno amser a dreulir mewn Sefydliad Troseddwyr Ifanc gyda hyfforddiant ac addysg i atal pobl ifanc rhag aildroseddu.

 

• Ar 12 Rhagfyr 2020 am oddeutu 7.45am, aeth y llanc at y dioddefwr ar drên a oedd yn teithio tuag at Hayes gan ddangos llafn cyllell iddo yn ei lawes cyn mynnu cael ei ffôn a'i God PIN.
• Ar 15 Rhagfyr 2020 am oddeutu 10am, aeth at y dioddefwr ar drên yng ngorsaf DLR Lewisham gan ddweud wrtho bod 'ganddo ei shanc', cyn mynnu ei fod yn rhoi ei glustffonau Airpod a'i iPhone iddo.
• Ar 24 Rhagfyr 2020 am oddeutu 4.45am, lladratwyd dyn 18 oed o'i iPhone a chlustffonau Airpod yn Bromley South.
• Ar 26 Rhagfyr, lladratwyd dioddefwr 18 oed o'i iPhone ar y DLR yn Greenwich.  
• Ar 30 Rhagfyr 2020 dechreuodd siarad â'r dioddefwr am ei sgwter trydan ar drên 4.06pm a oedd yn teithio tuag at Clapham Junction. Dywedodd wrtho fod ganddo gyllell gan ddweud y byddai'n ei drywanu yn y frest pe na fyddai'n rhoi'r sgwter iddo. Fe ddygodd ei glustffonau Airpod hefyd.
• Ar 31 Rhagfyr 2020 byrddiodd y llanc drên 3pm yn Eden Park gan fynd at y dioddefwr a oedd yn eistedd ac yn tecstio. Fer wnaeth fygwth taflu can o ddiod ar ei ben a'i drywanu sawl gwaith, cyn mynnu cael ffôn y dioddefwr.

 

Arestiwyd y llanc mewn cysylltiad â'r lladradau wedi iddo gael ei ddal yn ceisio dwyn morthwyl hollt mewn siop Wickes yn Lewisham ar 8 Chwef ror. Galwyd yr heddlu i'r siop wedi iddo honni i dditectif siop: "Dydy fy mheth ddim gyda fi ac mae gen i elynion o gwmpas yma felly mae angen hyn arnaf i amddiffyn fy hun."

Dywedodd Ditectif Gwnstabl Steve Crisp: "Roedd hwn yn droseddwr mynych a phenderfynol a ladratodd chwe pherson yn haerllug o fewn tair wythnos fis Rhagfyr diwethaf.

"Mae'n fwy gwarthus eto gan ei fod ond yn 16 oed yn unig ac rwy'n falch bod y barnwr wedi rhoi dedfryd gwarchodol iddo, gan ddangos mor ddifrifol y cymerir troseddau treisgar fel y rhain.

"Mae gennym oddefgarwch sero ar gyfer arfau peryglus neu'r rhai hynny sy'n eu cludo ar y rhwydwaith rheilffyrdd a byddwn i'n annog unrhyw un sydd â phryderon wrth deithio i'n tecstio ni'n ddirgel ar 61016."