Llanc yn ei arddegau wedi'i garcharu ar ôl i fenyw gael ei dyrnu ar drên - Leeds

Mae dyn 18 oed wedi cael ei garcharu am ymosodiad milain ar fenyw 19 oed ar fwrdd trên, yn dilyn ymchwiliad gan Heddlu Trafnidiaeth Prydeinig.

 

Plediodd Lewis Ellis, a oedd yn 17 oed ar adeg y digwyddiad, o Cemetary Road, Westtown, Dewsbury, yn euog i ymosodiad domestig, difrod troseddol a bygythiadau i dystion ac fe'i dedfrydwyd i ddwy flynedd mewn sefydliad troseddwyr ifanc yn Llys y Goron Leeds ar ddydd Mawrth Mai 10.

 

Fe'i gorchmynnwyd hefyd i dalu gordal dioddefwr o £34.

 

Clywodd y llys sut yr oedd Ellis, ar ddydd Sul 11 Gorffennaf y llynedd, yn eistedd wrth ymyl y ddioddefwraig yr oedd yn ei adnabod, ar drên i Leeds pan ddyrnodd hi yn ei phen dair gwaith, ei slapio dro ar ôl tro a'i phen-glinio ym mhen uchaf ei chlun. Yna brathodd ei llaw cyn cymryd ei ffôn a oedd hefyd yn cynnwys ei cherdyn banc a'i thrwydded dros dro

 

Yn dilyn ei arestiad, aflonyddodd Ellis dro ar ôl tro ar ei ddioddefwraig gan anfon negeseuon testun di-baid a bygythiol mewn ymgais i wneud iddi ollwng y cyhuddiadau yn ei erbyn.

 

 

Dywedodd Det Rhingyll Roy Durant: "Roedd hwn yn ymosodiad cas a digymell ar fenyw ifanc a gafodd ei gadael yn sigledig ac mewn arswyd.

"Os ydych chi'n dyst i unrhyw drosedd ar y rheilffordd, gallwch ddefnyddio ein gwasanaeth testun cyfrinachol 61016 i'w riportio i ni."