Dyn wedi'i garcharu am trosedd porn dial a byygwth merch gyda chyllell – Gorllewin Canolbarth Lloegr

Mae dyn a rannodd luniau penodol o ferch yn ei harddegau ar-lein a dwyn oddi wrthi gyda chyllell mewn gorsaf drenau yng nghanolbarth Lloegr wedi cael ei garcharu am dros bedair blynedd, yn dilyn ymchwiliad gan Heddlu Trafnidiaeth Prydeinig (BTP).

Ymddangosodd Aron Lakh, 19, ac o Oscott Road, Birmingham, yn Llys y Goron Coventry ar 5 Rhagfyr 2022 lle plediodd yn euog i un cyfrif o ddatgelu delweddau rhywiol preifat, un cyfrif o ladrad, ac un cyfrif o feddu ar gyllell

Canfuwyd ei fod hefyd yn torri telerau dedfryd wedi'i gohirio am euogfarn flaenorol.

Ar 6 Ionawr cafodd Lakh ei ddedfrydu yn Llys y Goron Birmingham i bedair blynedd a thri mis dan glo mewn sefydliad troseddwyr ifanc.

Cafodd orchymyn atal pum mlynedd o'r ddioddefwraig hefyd.

Ar ddydd Llun 27 Mehefin 2022, aeth y ddioddefwraig, merch 16 oed, ar drên yn Birmingham New Street gyda ffrind.

Yn ystod y daith fe gafodd doreth o negeseuon a galwadau ffôn bygythiol gan Lakh, gan fygwth "chwalu" ei hwyneb.

Yna negeseuodd hi'n dweud y byddai'n postio lluniau penodol ohoni ar y we - yn ymwneud â delweddau o'r ddioddefwraig yn ei dillad isaf ei fod wedi rhannu ar y cyfryngau cymdeithasol yn y gorffennol heb ei chaniatâd.

Funudau'n ddiweddarach derbyniodd neges gan Lakh yn cynnwys dolen i dudalen Facebook newydd yr oedd wedi ei chreu yn arddangos y delweddau anweddus ohoni.

Gadawodd hi'r trên yng ngorsaf Parcffordd Tame Bridge i ddod o hyd i Lakh yn aros amdani ar y platfform. Ceisiodd hi ddianc oddi wrtho drwy fynd tuag at yr allanfa, pan ddilynodd hi ar ei feic a thynnu cyllell o'i fand gwasg yn mynnu iddi drosglwyddo ei ffôn, neu fe fyddai'n ei thrywanu.

Rhoddodd y ferch ei ffôn iddo ac fe wnaeth ei ffrind adrodd yn gyflym am y digwyddiad i BTP.

Wrth i swyddogion ymateb i'r alwad a gyrru tuag at orsaf Parcffordd Tame Bridge, fe sylwon nhw ar Lakh ar ei feic yn ffoi o'r olygfa - gan gyfateb â'r disgrifiad a roddwyd gan y ffrind

Fe aethon nhw ar ei ôl i'w gyfeiriad cartref a'i arestio.

Dywedodd y Ditectif Gwnstabl Alex Price, swyddog ymchwilio yn yr achos: "Mae Lakh yn unigolyn rheolaethol a threisgar a dorrodd ymddiriedaeth y ddioddefwraig i'w bychanu.

"Roedd ei weithredoedd maleisus yn ei gadael hi'n teimlo'n hynod fregus, ac mae hi wedi dangos dewrder aruthrol wrth gefnogi ein hymchwiliad.

"Rwy'n gobeithio y bydd ei ddedfryd yn dod â rhywfaint o synnwyr o gyfiawnder iddi ac yn anfon neges glir at droseddwyr fod trais a bygythiadau o'r math yma yn gwbl annerbyniol.

"Rydyn ni yma i chi. Gallwch riportio unrhyw beth i ni drwy decstio 61016 neu drwy ffonio 0800 40 50 40. Mewn argyfwng deialwch 999 bob tro."