Dyn wedi'i garcharu am rwystro'r rheilffordd gan achosi £9k o oedi

Mae dyn wedi ei garcharu am dros wyth mis am rwystro'r rheilffordd, gan achosi i 13 trên gael eu gohirio, yn dilyn ymchwiliad gan Heddlu Trafnidiaeth Prydeinig.

 

Plediodd Stephen Harrell, 36 oed o Springfield Street, Wigan, yn euog i rwystro'r rheilffordd a chafodd ei ddedfrydu i 270 diwrnod o garchar yn llys Ynadon Manceinion a Salford ar ddydd Mawrth, 2 Awst.

Cafodd hefyd orchymyn i dalu iawndal o £250.

 

Clywodd y llys sut, ar ddydd Sul, 31 Gorffennaf, cafodd Heddlu Trafnidiaeth Prydeig wybod am ddigwyddiad o dresmasu yng ngorsaf Salford Crescent.

 

Mynychodd swyddog a gweld Harrell meddwol yn neidio i lawr o'r platfform i'r traciau a dechrau cerdded i gyfeiriad Swinton.

 

Rhoddwyd stop ar bob trên ar waith a danfonwyd hofrennydd heddlu'r NPAS i ddod o hyd i Harrell wedi i swyddogion golli golwg arno ar y cledrau oherwydd y tywyllwch.

 

Yn y pen draw cafodd ei weld gan yr hofrennydd a'i leoli'n chwilio trwy fin y tu allan i dafarn ar Agecroft Road.

 

Roedd Harrell ar y cledrau ac ochr y rheilffordd am tua 60 munud gan achosi oedi o 287 munud a stopiwyd 13 trên. Mae Network Rail wedi cadarnhau bod cyfanswm cost yr oedi wedi dod i £9, 223.90. 

 

Dywedodd y swyddog ymchwilio, PC Peter Hogg: "Gallai gweithredoedd anghyfrifol a di-hid Harrell fod wedi costio ei fywyd iddo.

"Er mwyn amddiffyn ei ddiogelwch, ataliwyd nifer o drenau, gan achosi oedi ac anghyfleustra cwbl ddiangen i deithwyr a chost enfawr i Network Rail, heb sôn am y gost o ddefnyddio hofrennydd yr heddlu.

"Fe gafodd ymddygiad un unigolyn effaith enfawr ar eraill. Nid yw bod yn feddw'n esgus."