Carcharwyd dyn ymosodol a wnaeth sarhau aelodau o staff y rheilffordd yn hiliol am fod yn Gymreig yng ngorsaf Amwythig

Mae dyn a fygythiodd ac a wnaeth sarhau aelodau o staff rheilffyrdd yn hiliol yng ngorsaf reilffordd Amwythig wedi cael ei garcharu am gyfanswm o 20 wythnos, yn dilyn ymchwiliad gan Heddlu Trafnidiaeth Prydeinig.

Cafwyd Kevin Byrne, 59, ac o Sandford Avenue, Church Stretton, yn euog o achosi ofn gwaethygedig ar sail hil neu bryfocio trais yn Llys Ynadon Telford ar 25 Tachwedd 2020.

Am oddeutu 5.30pm ar 13 Tachwedd 2019, gofynnodd aelod o staff y rheilffordd i Byrne am docyn wrth iddo geisio gadael trwy'r rhwystrau yng ngorsaf reilffordd Amwythig.

Clywodd y llys sut y gwnaeth Byrne fygwth yr aelod o staff y rheilffordd pan nad oedd yn gallu cynhyrchu tocyn, gan ddweud “Rwy’n mynd i hollti eich gwddf. Os achoswch i mi gael fy arestio, rwy'n mynd i'ch trywanu. ”

Daeth Byrne yn fwyfwy ymosodol gan sarhau'r aelod o staff y rheilffordd yn hiliol am fod yn Gymreig. Aeth ymlaen i fygwth aelod arall o staff y rheilffordd, gan weiddi “rydych chi'n ddyn marw.”

Ar 31 Rhagfyr 2020 yn Llys Ynadon Kidderminster, dedfrydwyd Byrne i gyfanswm o 20 wythnos yn y carchar a’i orchymyn i dalu cyfanswm o £1,315 mewn iawndal.

Meddai Rhingyll BTP, Emma Harper: “Ni fydd ymddygiad bygythiol tuag at aelodau staff y rheilffordd yn cael ei oddef o dan unrhyw amgylchiadau.

“Rwy’n ddiolchgar i’r llysoedd am y ddedfryd a osodwyd ar y diffynnydd ac yn gobeithio ei bod yn ein hatgoffa na fydd y math hwn o ymddygiad yn cael ei oddef ar y rheilffordd

“Byddwn yn parhau i ddelio ag ymddygiad gwrthgymdeithasol yn gadarn ac yn sicrhau bod troseddwyr yn cael eu dwyn o flaen eu gwell."