Teulu dynes a fu farw yng ngorsaf Reilffordd Gatley yn cyhoeddi teyrnged

Mae teulu menyw a fu farw'n anffodus yng ngorsaf Reilffordd Gatley yn Stockport ym mis Tachwedd 2020 wedi cyhoeddi teyrnged heddiw.

Dywedodd ei chwaer, Maya Hedges: “Roedd Kate Hedges yn fenyw ifanc anhygoel, 35 oed, ag angerdd am fywyd a phenderfyniad dewr i wella ei hun a gwella ei bywyd iddi hi a’i mab.

“Roedd ganddi freuddwydion o gwblhau PhD ar ôl ennill gradd 2:1 mewn ysgrifennu creadigol a dilynodd lawer o gyrsiau byr mewn reiki, iachau crisial a therapi lliw.

Roedd hi'n gweithio i elemis, swydd yr oedd hi'n ei charu'n llwyr, yma astudiodd dylino'r wyneb yn ogystal â therapïau gofal croen amrywiol. Roedd ganddi ysbryd talog ac enaid enigmatig, roedd hi'n ffrind i bawb, nid oedd ganddi un asgwrn drwg yn ei chorff.

“Roedd Kate yn brwydro am y rhan fwyaf o’i bywyd fel oedolyn â’i hiechyd meddwl ond roedd hi bob amser yn edrych am ateb i esbonio pam roedd hi’n teimlo mor wahanol a pham roedd hi’n brwydro gyda hi ei hun yn ddyddiol.

“Roedd hi’n dawnsio, yn canu, yn ysgrifennu barddoniaeth, straeon byrion a hyd yn oed gair llafar, roedd ganddi eirfa ddisglair a ffordd go iawn â geiriau. Roedd Kate yn fam benderfynol, anogol a chafodd gymaint o lawenydd yn codi ei mab ar ei phen ei hun, roedd hi'n addoli'r tir y mae ef yn cerdded arno ac yn gwneud popeth i sicrhau ei fod yn hapus.

“Ffrind ffyddlon, chwaer anhygoel, merch hyfryd, modryb ddifyr ond yn anad dim mam anwesol.

“Ni fyddai unrhyw un a fyddai'n cwrdd â Kate, yn sicr byth yn ei hanghofio. Fe gooooooododd hi ei llais dros bethau roedd hi'n credu ynddynt; fe safodd ei thir ac ni fyddai'n derbyn unrhyw beth is na'r safon. Roedd hi am helpu'r bobl o'i chwmpas hi a hi ei hun a chafodd bleser mawr wrth astudio crisialau ac ymchwilio i'w pwerau iacháu.

“Un o hoff leoedd Kate oedd traeth Formby, yma byddai’n gwefru ei chrisialau yng ngolau'r lleuad ac yn nofio yn y môr. “Bob amser yn llawn syniadau newydd, â llawer o fentrau busnes llwyddiannus, pan siaradodd Kate byddai pobl yn gwrando, roedd hi'n goleuo unrhyw ystafell yr aeth iddi, roedd ei brwdfrydedd dros fywyd yn gwneud i'r bobl agosaf iddi sylweddoli bod unrhyw beth yn bosibl.

“Yn ystod ei harhosiad yn yr ysbyty fe wnaeth Kate sefyll i fyny dros gleifion benywaidd eraill a dechrau taith gerdded am gyfiawnder i fenywod sydd wedi'u cam-drin.

“cannwyll llygad Kate oedd ei mab, fe frwydrodd ewinedd a dannedd iddo gael mynediad at addysg dda, sydd wedi golygu ei fod am ddilyn gyrfa mewn seicoleg i "ddeall ei fam yn well", mae ganddo freuddwydion mawr i ddod yn seicolegydd a symud i America ac fel teulu byddwn ni'n cefnogi hynny ac yn sicrhau ein bod yn cymryd yr awenau lle goffennodd Kate wrth ymladd iddo gael pob cyfle mewn bywyd.

“Mewn gwirionedd roedd Kate wir yn wyllt ei chalon ac yn byw bywyd fel ysbryd rhydd, mae hyn yn rhywbeth a drosglwyddodd i'w mab, i godi llais, i fyw eich bywyd gorau, i fwynhau bob dydd fel mai eich diwrnod olaf ydyw, i ganfod llawenydd yn y peth lleiaf a gwerthfawrogi'r bobl o'ch cwmpas ond yn bwysicaf oll i garu a bod yn garedig â chi'ch hun.

Hoffem fel teulu ddiolch i bob un sydd wedi ein cefnogi yn ystod yr amser hynod anodd hwn. Roedd pawb yn caru Kate gymaint. Hoffem hefyd ailadrodd i unrhyw un sy'n teimlo'n isel neu'n hunanladdol, estynnwch allan a gofyn am help, nid ydych chi ar eich pen eich hun, rydych chi'n cael eich caru ac mae'r byd eich angen chi. Diolch."

Cafodd swyddogion heddlu trafnidiaeth Prydeinig a pharafeddygon eu galw i’r orsaf tua 1.45pm ar ddydd Gwener 27 Tachwedd yn dilyn adroddiad o rywun wedi'i hanafu ar y cledrau.

Yn dilyn ymchwiliad yn y lleoliad, penderfynwyd nad oedd y digwyddiad yn amheus. Mae swyddogion wrthi'n paratoi adroddiad ar gyfer y crwner.