Mae Heddlu Trafnidiaeth Prydeinig yn cofnodi wyth digwyddiad a fu bron â digwydd yn ystod wythnos gweithredu ar y rheilffordd

Yn ystod wythnos ddiweddar o weithredu ar linell Bishop Auckland i Darlington cynhaliodd swyddogion arbenigol o Heddlu Trafnidiaeth Prydeinig a Network Rail fwy o batrolau i rwystro tresmaswyr ac atal troseddau ar y llwybr.

 

Dros bedwar diwrnod gorfodwyd gyrwyr trên i ddefnyddio eu brêc argyfwng wyth gwaith er mwyn osgoi taro tresmaswyr, a chafodd saith tresmaswr eu dal a'u riportio.

 

Ymatebodd yr heddlu i dri adroddiad am daflu cerrig ac fe wnaethon nhw wasgaru crynhoad bach o bobl ifanc uwchben Twnnel Shildon.  Cafodd nifer o bobl ifanc eu taflu allan o orsafoedd ac o fannau'n agos i fynediad trac.

 

Dywedodd yr Arolygydd Richard Price: “Roedd yr wythnos weithredu'n llwyddiant o ran yr effaith a’r canlyniadau, a bydd y patrolau cynyddol a thargededig hyn yn parhau.

 

“Fodd bynnag, mae’r canlyniadau hyn yn dangos oni bai am ymatebion cyflym gan yrwyr trenau, sy’n cael eu gadael wedi’u hysgwyd ac yn ofidus gan y digwyddiadau hyn a fu bron yn ddamweiniau, gallai pethau fod wedi bod yn wahanol iawn.

 

“Nid yw’r rheilffordd yn faes chwarae - gall tresmasu ar y cledrau arwain at farwolaeth neu anaf difrifol sy’n newid bywyd. Rydym eto’n apelio ar rieni a gwarcheidwaid i bwysleisio’r neges i bobl ifanc sydd dan eu gofal: arhoswch i ffwrdd o'r cledrau.”

 

Mae BTP a Network Rail yn cynnal ymgyrch ddiogelwch drawiadol, You Vs Train, sy'n amlygu'r canlyniadau dinistriol y gall tresmasu ar y rheilffordd eu cael.

 

Mae ffilm newydd - Parallel Lines - wedi'i lansio i gael plant a phobl ifanc i feddwl nid yn unig am y canlyniadau dinistriol y gall eu gweithredoedd eu cael arnyn nhw a'u hanwyliaid, ond y niwed ehangach, sydd weithiau'n gudd, a achosir i'r gymuned, yn benodol staff y rheilffordd.

 

Dywedodd Olly Glover, Pennaeth Diogelwch, Iechyd a’r Amgylchedd ar gyfer llwybr Gogledd a Dwyrain Network Rail: “Rydym yn annog rhieni yn y rhanbarth i egluro peryglon camu ar y cledrau i’w plant.

 

“Rydyn ni'n gweld gormod o ddigwyddiadau lle mae'n ymddangos bod pobl yn hollol anghofus i'r peryglon maen nhw'n eu rhoi eu hunain ynddynt. Ni all trenau stopio'n gyflym na symud allan o'r ffordd - felly'r neges yw nad yw hi byth yn ddiogel hongian o gwmpas y rheilffordd. Gall y canlyniadau newid bywyd neu hyd yn oed angheuol. ”

 

 

Canfyddwch ragor a gweld ffilm newydd yr ymgyrch yn youvstrain.co.uk