Blacmel rhywiol
Mae blacmel rhywiol ('sextortion' yn Saesneg weithiau) yn golygu bod rhywun yn bygwth cyhoeddi gwybodaeth, lluniau neu fideos rhywiol am rywun. Gall hyn gael ei wneud i geisio sicrhau arian neu i orfodi'r dioddefwr i wneud rhywbeth yn erbyn eu hewyllys. Mae lluniau neu recordiadau yn cael eu gwneud yn aml heb i'r dioddefwr sylweddoli na chydsynio.
Mae troseddwyr yn aml yn targedu pobl drwy apiau detio, y cyfryngau cymdeithasol, gwe-gamerâu neu wefannau pornograffi. Gallan nhw ddefnyddio hunaniaeth ffug i ddod yn ffrind ichi ar-lein ac yna bygwth anfon delweddau at eich teulu a'ch ffrindiau.
Gall blacmel rhywiol gael ei gyflawni gan unigolion ond gangiau troseddu cyfundrefnol sydd y tu ôl iddo fel arfer.
Beth i'w wneud os ydych chi wedi cael eich targedu
- Peidiwch â mynd i banig: mae help a chefnogaeth ar gael.
- Peidiwch â thalu.
- Cadwch y dystiolaeth. Cymerwch sgrinluniau. Cadwch negeseuon a delweddau. Casglwch ddolenni URL i ble mae'r wybodaeth yn cael ei rhannu ar-lein.
- Riportiwch y peth i gwmnïau cyfryngau cymdeithasol os digwyddodd y cyfathrebu ar y sianeli hyn, er enghraifft, Facebook neu Instagram.
- Riportiwch y peth i’ch darparwr gwasanaethau rhyngrwyd.
- Blociwch yr holl gyfathrebu â'r person sy'n eich targedu.
Mae gan y rhan fwyaf o wefannau yn y cyfryngau cymdeithasol reolau yn erbyn rhannu cynnwys personol heb gydsyniad. Fe ddylech chi allu trefnu bod y deunydd yn cael ei ddileu.
Riportiwch y peth
Rydyn ni’n deall y gall fod yn anodd riportio’r math hwn o drosedd inni. Mae’n swyddogion ni yma i wrando ac i'ch cefnogi mewn unrhyw ffordd y gallwn.
Gallwch riportio cam-drin drwy ddelweddau personol inni:
- ar-lein
- drwy ffonio 101
- os oes gennych chi nam ar y clyw neu'r lleferydd, defnyddiwch ein gwasanaeth ffôn testun ar 18001 101.
Dolenni defnyddiol
Yr Asiantaeth Troseddu Cenedlaethol (NCA)
Yn arwain brwydr y Deyrnas Unedig yn erbyn bygythiadau troseddau difrifol a throseddau cyfundrefnol.
Gwybodaeth ffeithiol a hawdd i’w deall am ddiogelwch ar-lein.
Canolfan Camfanteisio ar Blant a’u Hamddiffyn Ar-lein (CEOP)
Sut i’ch cadw chi’ch hun neu blentyn rydych chi'n ei adnabod yn ddiogel rhag camfanteisio'n rhywiol ar blant.