Goryrru
Mae terfynau cyflymder yn cael eu gosod am reswm ac mae torri’r rhain yn anghyfreithlon. Y gosb isaf am oryrru yw dirwy o £100 a thri phwynt ar eich trwydded.
Os cewch 12 pwynt neu fwy o fewn tair blynedd gallwch gael eich anghymhwyso rhag gyrru.
Os ydych chi'n yrrwr newydd gymhwyso ac yn cael chwe phwynt yn ystod y ddwy flynedd gyntaf ar ôl pasio'ch prawf, bydd eich trwydded yn cael ei chanslo'n awtomatig (ei dirymu). Er mwyn ei chael yn ôl bydd angen i chi wneud cais a thalu am drwydded dros dro newydd a phasio profion theori ac ymarferol eto.
Os cewch eich dal gan gamera cyflymder:
O fewn 14 diwrnod ar ôl i'ch cerbyd gael ei ddal yn goryrru bydd un o’r canlynol yn cael ei anfon at y ceidwad cofrestredig:
- Hysbysiad o’r Bwriad i Erlyn
- Hysbysiad adran 172
Rhaid i’r ceidwad cofrestredig, neu yn achos car cwmni, ysgrifennydd y cwmni, ddychwelyd yr hysbysiad o fewn 28 diwrnod gan ddweud wrth yr heddlu pwy oedd yn gyrru'r car. Os anwybyddwch yr hysbysiad, bydd y mater yn cael ei gyfeirio at y llys ynadon.
Fel y gyrrwr, gan ddibynnu ar y cyflymder, unwaith y byddwch wedi ymateb i'r hysbysiad bydd un o’r canlynol yn cael ei anfon atoch:
- opsiwn ar gyfer cwrs ymwybyddiaeth cyflymder
- hysbysiad cosb benodedig
- neu lythyr yn dweud wrthoch am fynd i'r llys
Os cewch eich stopio gan yr heddlu
Gallant:
- i roi rhybudd llafar i chi
- i anfon hysbysiad cosb benodedig atoch
- i gynnig cwrs ymwybyddiaeth cyflymder
- neu eich gorchymyn i fynd i'r llys – cewch lythyr yn esbonio beth i'w wneud
Beth i’w wneud:
- os ydych chi wedi cael llythyr ysgogi camera cyflymder
- os hoffech apelio yn erbyn llythyr neu hysbysiad
Rhagor o wybodaeth
Mae Beicio Diogel yn gynllun diogelwch ffyrdd cenedlaethol dan arweiniad yr Heddlu sy’n codi ymwybyddiaeth o risgiau allweddol ac yn darparu technegau reidio mwy diogel i foto-beicwyr.
Beiciwr modur sydd wedi ennill un o raddau’r heddlu neu sylwedydd a gymeradwywyd gan Beicio Diogel sy’n cynnal y gweithdai, gan roi cyngor ar ymwybyddiaeth o beryglon a reidio’n fwy diogel. Mae’r mwyafrif o’r heddluoedd yn cynnig asesu’r reidiwr ar y ffordd wedyn.