Anfon negeseuon bygythiol
Yn yr adran hon:
| 1. Beth yw anfon negeseuon bygythiol? |
| 2. Beth gallwch chi ei wneud: riportio’r peth i ni |
| 3. Riportio i gwmnïau cyfryngau cymdeithasol os digwyddodd y peth ar-lein |
| 4. Help a chymorth |
Anfon negeseuon bygythiol yw pan fydd rhywun yn cyfathrebu, naill ai ar-lein neu all-lein, y byddan nhw neu rywun arall:
- yn eich lladd
- yn eich anafu'n ddifrifol, sy'n cynnwys eich treisio neu eich niweidio'n ddifrifol
- yn achosi colled ariannol ddifrifol ichi
Does dim ots a ydyn nhw’n bwriadu gwneud beth maen nhw wedi'i fygwth neu a ydych chi'n teimlo'n ofnus. Mae'n drosedd oherwydd eu bod nhw eisiau achosi ofn ichi trwy anfon y math yma o neges.
Efallai na fyddwch chi’n siŵr pwy anfonodd y neges fygythiol neu beth oedd eu bwriad nhw wrth anfon. Dyw hynny ddim yn bwysig. Rydych chi’n dal yn gallu riportio’r peth i ni a byddwn ni’n penderfynu sut i fynd ar ôl y manylion y byddwch chi’n eu rhoi.
Mae anfon negeseuon bygythiol yn gallu cael ei nabod hefyd fel 'bygythiadau marwolaeth', 'seiberfwlio', 'aflonyddu', neu 'trolio'.