Dogfennau y gallwch eu defnyddio fel prawf adnabod
Mae'r canllawiau a ganlyn yn wir ar gyfer pob cais sydd angen prawf adnabod. Mae angen ichi ddarparu dau fath o ddogfen adnabod. Dylai'r dogfennau adnabod fod mewn dyddiad, yn ddilys a heb ddod i ben. Ceir rhestr o fathau o ddogfen adnabod derbyniol isod.
Darparwch un eitem o bob rhestr.
Os ydych yn gwneud cais ar ran rhywun arall, bydd angen ichi ddarparu dau fath o ddogfen adnabod ar gyfer y ddau ohonoch.
Prawf adnabod:
- Pasbort (y tudalennau gyda llun a manylion personol)
- Trwydded yrru
- Tystysgrif eni
- Tystysgrif fabwysiadu
Prawf o gyfeiriad:
Rhaid i'r dogfennau hyn fod â’ch enw a'ch cyfeiriad arnyn nhw a bod wedi'u dyddio o fewn y tri mis diwethaf:
- Bil cyfleustod (heb gynnwys bil ffôn symudol)
- Cyfriflen banc
- Datganiad cerdyn credyd
- Bil ffôn llinell dir
- Bil treth gyngor
- Llythyr gan ganolfan waith neu'r Adran Gwaith a Phensiynau
- Llythyr gan Gyllid a Thollau Ei Fawrhydi
- Llythyr gan y Weinyddiaeth Gyfiawnder
- Llythyr gan y Swyddfa Gartref
- Llythyr gan Adran Fisas ac Ymfudo'r Deyrnas Unedig
- Llythyr gan y Gwasanaeth Prawf
- Llythyr gan heddlu
- Trwydded yrru (os na chafodd ei defnyddio fel prawf adnabod)
Sylwch: bydd angen ichi sganio neu gopïo'r dogfennau uchod mewn lliw. Dydyn ni ddim yn derbyn du a gwyn.
Os yw’ch cais yn gais am luniau fideo oddi ar Gamera wedi'i wisgo ar y Corff, TCC, ffotograff o'r ddalfa neu unrhyw beth sy'n cynnwys delwedd, rhaid i'ch prawf adnabod fod naill ai'n basbort neu'n drwydded yrru â llun.
Os nad oes gennych chi basbort neu drwydded yrru, byddwn yn derbyn cerdyn adnabod myfyriwr, cerdyn adnabod cwmni neu gerdyn adnabod cenedlaethol.
Os ydych chi’n gwneud cais drwy'r post, peidiwch ag anfon y copïau gwreiddiol gan na fyddant yn cael eu dychwelyd.